1 Pierre 5:8 - Bible azumeina

⁸ Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

1 Pierre 5:8 Referans Kwoze

Efes-sâ 6:11

Ar agi tchugugi ahle suma dur ayîna hAlonina pet atagiya, kayam agi fagi ad’enga á tchologi ngingring kayam lemba hi Diable-d’a.

Jacques 4:7

Agi gagi yagi kä avok Alona, agi tchologi ad’enga ngingring á noî Diable woyo. Hina wani, mba mi ring ngei dei ki sed’egiya.

Wana ni mbaktumba hi Job-pa 2:2

Ma didina mi de mi Seitan ala: Ang tcholï ni lara ge? Seitan mi hulong de mi Ma didina ala: An nguyï ni tita yam andagad’a á vat tan ndeyo.

Efes-sâ 4:27

Agi aragi yina mi Diable d’uo mi.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 22:31

Jesus mi de kua ala: Simon, Simon, gola! Seitan nga mi tchen kagi á yigigi d’igi suma a yik awuna na,

Wana ni mbaktum mba Paul mi b’irit mi Tit-ta 2:12

Suma ndata nga d’i had’ei á walei tei woi ki tchod’a ki d’od’oka hi duniyad’id’a, á kagei irei sik, á tid’i d’ingêr ki d’engzenga avok Alona kur duniya d’a wanda.

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Matiye 13:39

Ma djangû ma yagatna ni diable; yima duta ni dabid’a hi duniyad’id’a; suma duta ni malaikana.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Matiye 24:42

Kayam ndata, agi kagagi ki ndjola, kayam agi wagi nga bur ma mbad’a hi an Salaginina d’i.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Zakari 3:1

Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.

Wana ni mbaktum mba Paul mi b’irit mi Tit-ta 1:8

Wani ni ma lakoina, ni sama le yam ahle suma djivinina, ni ma iram si’â, ni ma d’ingêrâ, ni ma mi tin iram vam mAlonina, ni ma ve tama.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Wana ni mbaktum mba Paul mi b’irit mi Tit-ta 2:6

Hina mi, ang gat azungeîna a kak irazi sik.

Wana ni mbaktum mba Paul mi b’irit mi Tit-ta 2:2

Ang de mandjuvei momorogeina a kak ki ndjola, a ge yazi kä, a kak irazi sik, a kak ngingring kur he gagazid’a ki od’a ki ve tad’a.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Isai 50:8

Ma pad’an zlad’a kan ndeina mi nga go ki sed’enu. Ni nge ba, mi min kal ki sed’en ata yima ka sariyad’a ge? Ar ngavami tami kua. Ni nge ba, mi min mi kak djangûna ki sed’en nge? Ar mi ngavanu!

Zla d’a d’ogolâ 20:2

Ayîna hamulîna mi mbut suma mandarâ ni d’igi tchina hazlonina na. Sama kom kama mi le ni tam tchod’a.

Sawal la giled’a 104:21

Azlo ma azongâ nga mi tchi á hal vama mam vuma, nga mi hal te mama nata ang Alona.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.

Wana ni mbaktum mba Paul mi b’irit mi Tit-ta 2:4

kayam a hat arop suma gureina á le yam andjuviyozi ki grozina,

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

1 Timote 2:9

Hina mi, an min ala aropma a tchu’î baru ma bei kidjik tad’a, a tit ni tit ta kukud’uk, a ge yazi kä, a ge yam mba aboina d’i, a tchuk lora atazi d’i, d’oze yeyêna, d’oze baru ma guzum kal teglesâ d’uo mi,

Matiye 4:1

Ata yi máma, Muzu’â hAlonina mi i Jesus hur fulâ, kayam diable mi kugumu.

Wana ni mbaktumba hi Oze-d’a 13:8

An nga ni lad’agi d’igi ambur urs sa a yot grotnid’a na, an nga ni zagagi hurugi woyo, an nga ni kizagagi woi d’igi azlo d’a ti kizak ahlena woi d’a na, amburei suma abageina a mba kizagagi woi kikizek mi.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 4:11

Ata yi máma, diable mi aramu, wani malaikana a mba, a nga lum sunda.

Amos 3:4

Azlona bei mi ve va ba ni, mi to breîd’a aduk agud’a zu? Gor azlona bei mi ve va ba ni, mi er ad’um tchina ata yam ma domina zu?

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Ester 7:6

Ester ti dum ala: Ma djangû ma nga mi djobomi vunamina ni Haman ma asa’at ma wana! Ata yi máma Haman vunadigam pat fek avok amulâ kamula abo mandarâ.

Suma ka sariyad’a 14:5

Samson mi i kabum azi kasum Timna. Kid’a a mbaza aduk guguzlud’a hi suma Timna-nid’a, atogo hina zak azlo ma azongâ mi ndeï ata Samson.

Zakari 11:3

Agi humugi siwela hi suma polid’a, kayam djif mazina mi b’lak kei da’, agi humugi siwela hi gro azlonid’a, kayam agu d’a ndindik ka avun alum ma Jurdê-nid’a ti dap pei da’.

Ezekiyel 19:7

Mi b’lagazi azì mazi ma ad’eng ma ngunguna woyo, mi mbut azì mazi ma nglona hur fulâ, ambasa kahle suma kurutna pet a ar djona abo tchi mam ma nga mi ngir kä ngingirâ.

Jeremi 51:38

Suma Babilon-na a mba tchi d’igi azlona na, a mba gureî d’igi gro azlona na.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Sawal la giled’a 109:6

A nga de kan ala: Ar sama asa’atna mi te kamu, ar ma tchugum zlad’a kama mi tchol ata bigam mba ndjufa.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Marik 4:15

Ma mi nde kur lovotina mi ni d’igi suma a hum zlad’a ata yima a humutna na. Atogo hina zak Seitan mi mba, mi yo zla d’a azi humuta woi kuruziya.

2 Korente-na 2:11

kayam ar Seitan mi kus kei d’i, kayam ei wei lem mamba.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.