1 Pierre 3:7 - Bible azumeina

⁷ Hina agi andjuveina, ar agi kagagi kamiyôgina ki hud’a. Agi huzi ni kayambala azi nga ad’enga d’igi agi na d’uo d’a hol li, wani kayam Alona mba mi hazi arid’a he d’a hawa d’a zlapa ki sed’egi mi. Le agi lagi hina ni, vama mba d’el tchen magid’ina nga d’i.

1 Pierre 3:7 Referans Kwoze

Kolos-sâ 3:19

Agi andjuveina, agi lagi yam amiyôgina, agi djozi ki zlad’a d’i.

Efes-sâ 5:33

Wani zla ndata ni kagi mi. Ar nge nge pî mi le yam amamba d’igi mam tambina. Ar atcha d’a lara ge pî ti he ngola mi ndjuvut mi.

1 Korente-na 7:3

Ar mandjufâ mi bur kamamba yam min mata, ar atchad’a ti bur ki ndjuvut ata min mamba mi.

Matiye 18:19

Gagazi, an nga ni dagi kua, le suma mbà adigagi ka hî yam andagad’ina a ndjak vunazi tu yam vama azi tchenem kama ni, Abun ma sä akulona mba mi haziziya.

1 Tasaloni’â 4:4

ar nge nge pî adigagi mi we lovota á vamamba ata lovot ta d’ingêra ki hud’a mi,

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

1 Pierre 3:1

Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,