1 Pierre 3:4 - Bible azumeina

⁴ Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Pierre 3:4 Referans Kwoze

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Matiye 23:26

Ang Fariziyê ma duka, ang mbus hur kopma ki tazana woi adjeu tua. Hina wani, huyogozi pî mba mi mbut yed’et.

Romê-na 7:22

An tan nga ni le furîd’a kurun krovo yam gata hAlonid’a.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

1 Tasaloni’â 4:11

Ar agi b’ad’agi tagi á kagagi tchugot, ar agi kagagi agi tinigi iragi yam ahle magina, ar agi lagi sunda kabogi á fahle magina d’igi ami hagi vuna avok na.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,

1 Timote 2:2

yam amuleina, yam suma te yamba pet mi, kayam ei kagei tchugot ki b’leng nga halasa á le mandar Alona, á tid’i memet á gei yei kä avorom mi.

Wana ni Zla d’a Djivi d’a Luc mi b’irita 11:40

Agi suma lilid’a. Alo ma labud’ina, ni ma mi le krovod’ina mi d’uo zu?

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

2 Tasaloni’â 3:12

Suma hina na, ami gad’aziya, ami hazi vuna ki simiyê Salad’a Jesus Christ ala a kak tchugot, a le sunda á fe te mazina mi.

Matiye 5:5

Suma lulumana a le furîd’a, kayam a mba tandagad’a djona.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 147:6

Ma didina nga mi ndjun suma lulumana, nga mi hulong yam suma asa’atna kä gak andaga mi.

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Sawal la giled’a 51:6

An le tchod’a ni mi ang tu gid’eng, an le tchod’a avorongû. Kayam ndata, suma a mba wang ma d’ingêrâ nata zla mang nga ded’a; ata yima ang ka sariyad’a kana, ang ni ma bei zlad’a kang ba na mi.

Sawal la giled’a 45:13

Suma Tir-râ a mba mba ki he d’a hawa mazid’a, suma ndjondjoî mazid’a kal teglesâ a mba hal djivi maka.

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Galat-na 5:23

lulumad’a ki d’el tad’a. Gat ta kak djangûna kahle ndazinid’a nga d’i.

Sawal la giled’a 131:2

Wani an nga kaka tchugot halas d’igi gogorâ mi nga ged’a aduk asum na. An nga ni d’igi gogor máma na halas.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Jeremi 51:59

Wana ni vun ma he ma ma djok vun Alona Jeremi mi hum mi Seraya Neriya gorom ma Mäseya gorom ngolonina, kid’a nga mi i Babilon zlapa ki Sedekiyas amul ma Juda-na kur biza d’a fid’i d’a mam nga mi tamulid’a. Seraya ni ma ngolâ hi azigar suma avo hamulîna.

Romê-na 1:23

Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.