1 Pierre 2:24 - Bible azumeina

²⁴ Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Pierre 2:24 Referans Kwoze

Matiye 8:17

Ahle ndazina a le hina á ndak vun zlad’a hi ma djok vun Alona Isai d’a mi dat ala: Mi zi amangeî meid’a kamu, mi hle ni tugud’ei meid’a kamu d’a.

Romê-na 6:11

Ar agi gologi tagi d’igi suma matna na ata tchod’a, wani d’igi suma a nga kaka arid’a yam Alona zlapa tu ki Jesus Christ-sâ na mi.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Romê-na 7:6

Wani ki tchetchemba, ei boi wa woi ata gat ta djini kä d’a, ei bud’i wa woi kur gata. Hina, ei lei sun nda awilid’a mAlona ni yam ad’enga hi Muzuk mamid’a, wani nga ni yam ad’enga hi gat ta adjeu d’a a b’irita d’i.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.

Sawal la giled’a 147:3

nga mi b’leng hur suma huruzi b’la’â, nga mi djinizi mbilizi mi.

Romê-na 6:7

Kayam sama mit teina mi nga ad’u ad’enga hi tchod’id’a d’uo d’a.

Romê-na 6:16

Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Sunda hi suma a sunuzinid’a 5:30

Alona habuyoi ngolona mi tchol Jesus ma agi tchum ata agu ma b’alina akulo aduk suma matna.

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Matiye 5:20

Kayam ndata, an nga ni dagiya, le d’ingêr magid’a kal nga d’a hi suma hat gata ki d’a hi Fariziyênid’a d’uo ni, agi mba kalagi kur leu d’a akulod’a d’i.

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Sunda hi suma a sunuzinid’a 13:29

Kid’a azi lahle suma a b’ir kam kur mbaktumba dad’a, a pad’amï kä ata aguna, a gum kur zula.

Sunda hi suma a sunuzinid’a 10:35

Wani aduk andjaf ma lara ge petna sama lara ma nga mi lum mandaram ma nga mi le d’ingêrina, ni ma Alona tam mbi lum djivid’a kama.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

Sunda hi suma a sunuzinid’a 10:39

Ami ni suma glangâsâ yam ahlena pet suma mi lazi kur ambasa hi Juif-fîd’a, kur Jerusalem mi. Azi tchum ata agu ma b’ala.

Matiye 27:26

Ata yi máma, Pilat mi gazi Barabas akulo, wani mi to Jesus ki blafâ. Mi hazizi ala a b’alam akulo ata aguna.

Sawal la giled’a 38:4

Tan ndi galeî woi abo ayî mangâ, asogon nga mi tan abo tcho manda.

Sunda hi suma hi Levi-nid’a 16:22

Mbekmberena mba mi hle tcho mazid’a kamu, mba mi i ki sed’et abagei hur ful ma sa nga kua d’uo na. Ata yima sa máma mi dik mbekmberena sä abagei hur fulâ dana,

Buzuk ka Abud’a 28:38

Aron mba mi zi lor ra bebed’e ndata avorom akulo burâ ki burâ ata yima mi tchol avogon an Ma didinina. Kayam ndata, an mba ni ve he d’a hawa d’a a mba tinindji irat vata aboziya. Le azi he nga he d’a hawad’a ata lovod’ot tuo pî, an mba ni wazi hohowoziya.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

Jean 19:1

Ata yi máma Pilat mi ve Jesus, mi hazizi ala a tom ki blafâ.

Ndumba 18:22

Ar Israel suma ding a tchila atat a hle tchod’a kazi ba, a bo d’i.

Sunda hi suma hi Levi-nid’a 22:9

Ar azi ngom vun man ma hed’a, ar azi mbud’um ndjendjed’a á hlaneka hi tcho mazid’id’a kazi ba, a bo d’i, kayam an ni Ma didin ma ni tinizi irazi vazina.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Marik 15:15

Kayam Pilat mi min á b’leng hur ablau suma, mi gazi Barabas akulo. Mi to Jesus ki blafâ, mi hazizi ala a b’alam akulo ata aguna.

Zla d’a d’ogolâ 20:30

Tod’a kang tang mbuleina ndondota ni kuma ma yam tchod’ina, to d’a tong ba ba kal atang piprata ni hina mi.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;

Kolos-sâ 2:14

Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a.

Hebre-na 10:5

Kayam ndata, ata yima Christ mi mba yam andagad’ina, mi de mAlona ala: Ang min nga vama ngat buzuna ki he d’a hawad’a hi d’uwarîd’a d’i, wani ang minin wa tanu.

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

Ad’u Tinda 22:6

Abraham mi hlagu ma a ngal ki vama ngat buzunina, mi hum yam goroma Isak, mi hlakud’a ki mbigeud’a abomu; azi djak a i ad’u taziya.