1 Pierre 2:1 - Bible azumeina

¹ Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Pierre 2:1 Referans Kwoze

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

1 Pierre 3:10

D’igi mbaktumba hAlonid’a ti de na ala: Sama min kak ki iram bei matna á we bur ma djivinina, ar mi d’el sinam á de zla d’a tchod’a, ar mi d’el vunam á lop suma mi.

1 Pierre 4:4

Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.

Sawal la giled’a 34:13

Ni nge ba, mi min á kak ki iram bei matna, mi min burum i fiyaka á we djivid’a ge?

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Romê-na 1:29

Azi ni suma lahle suma batrangâ, tchod’a, d’od’oka, murud’umba, yungôra, tchi matna, yalâ, mbut ira ki ngangata. Azi ni suma ka ad’ud’a,

Wana ni Zla d’a Djivi d’a Luc mi b’irita 6:42

Ni nana ba, ang de mi wiyengâ ala: Wiyena, ang tin an hlang asu ma lerem ma nga irangâ woyo, wani ang tanga we nga agu ma murguli ma nga irangâ d’uo ge? Ang ma lop ira, ar ang hlagu ma murguli ma nga irangâ woi tua, ang ndak á we yina woi tetet á hlasu ma lerem ma nga ir wiyengîna woi tua.

Matiye 23:28

Agi ni na mi. Abu ir suma agi ni d’igi suma d’ingêrâ na, wani hurugi krovo ni oîd’a ki lop ira ki tchod’a mi.

Matiye 7:5

Ang ma lop ira, ar ang hlagu ma murguli ma nga irangâ woi tua ba, ang ndak á we yina woi tetet á hlasu ma lerem ma nga ir wiyengîna woi tua.

Sawal la giled’a 37:1

Ni sawal la David mi hlata. Ar hurung zal ata suma asa’atna d’i, ar hurung hat ata suma a nga le sun nda ata yat tuo d’ina d’i.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Zla d’a d’ogolâ 24:1

Ar ang le d’od’oka yam suma asa’atna d’i, ang le d’od’oka á zlap ki sed’ezi d’uo mi.

Zla d’a d’ogolâ 3:31

Ar ang le d’od’oka yam sama hurum akud’ina d’i, ar ang hlum zla mamba d’uo mi.

Vama ndum mbeina 14:5

Azi ni suma bei ka zlad’a, ni suma bei zlad’a kazi ba na mi.

1 Pierre 2:16

Agi ni gro vuta, wani agi mbud’ugi gro vut magid’a d’igi baru d’a zlup yam tcho d’a agi lata na d’i, wani agi lagi d’igi azungeîna hAlonina na.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.

1 Tasaloni’â 2:3

Wal la ami nga tchat mi sumid’a ni yam zla d’a kad’a d’oze yam lovot ta ndjendjed’a d’i, ami nga halami á mbut ir sa d’uo mi.

1 Korente-na 5:8

Kayam ndata, ar ei lei vun til meina ni kavungô ma bei anguf fa adjeud’a, bei anguf fa tchod’a, bei mizeuna mi, wani ei lumî kavungô ma bei angufa kavungô ma yed’et ma gagazina.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Wana ni Zla d’a Djivi d’a Luc mi b’irita 11:44

Ni zla d’a hohoud’a kagiya, kayam agi ni d’igi asu d’a blas kä woi d’a suma a nga tit kat a nga wat tuo d’a na.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Zla d’a d’ogolâ 24:19

Ar hurung zal yam suma a le tchod’ina d’i, ar ang le yungôra yam suma asa’atna d’uo mi.

Zla d’a d’ogolâ 14:30

Hur ma ab’lengâ ni djivid’a yam hliu tad’a, wani yungôrâ ni ndjuvul ma mud’ung aduk asogongâ.

Wana ni mbaktumba hi Job-pa 36:13

Suma tchona a nga zut tazi kur ayîna, a nga yAlona á ndjunuzi ata yima mi djinizina d’uo mi.

Wana ni Zla d’a Djivi d’a Luc mi b’irita 12:1

Kur bur máma suma dudubu a tok gen Jesus, a nga miret taziya. Mi tin ad’ud’a de zlad’a avok mi mam suma hata ala: Agi gologi tagi djivi kangufa hi Fariziyênid’a, nala, lop ir mazid’a.

Marik 12:15

Wani Jesus mi we mbut ir mazid’a, mi dazi ala: Ni kayam me ba, agi kugun nge ge? Agi hanï sile ndata wana, an golod’u.

Matiye 24:51

Salama mba mi tchum tod’a. Azong máma mba mi fe wurak mamba zlapa ki suma lop ira. Ni yima suma a mba tchi a mba mut siyazi kua ngolina.

Matiye 15:7

Agi suma lop ira, zla d’a Isai mi djok vuna kagid’a nata yad’u, kayam mi dala:

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Sawal la giled’a 73:3

Kayam hurun nga mi hat ata suma yam mba ad’enga, ata yima an wahlena hi suma asa’atnina a nga zulâ.