1 Pierre 1:6 - Bible azumeina

⁶ Agi lagi furîd’a yam zla ndata hina pî, ki tchetchemba, agi mba yorogi tagi kur kuk ka teteng nga mba d’i kugugi ndjöd’a.

1 Pierre 1:6 Referans Kwoze

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 119:28

Kur ndak manda an nga ni tchiya; yam zla manga ang tcholon akulo.

Matiye 11:28

Agi pet suma kawagi abo anekina, agi mbeyegï gevenu, agi tugugi tagiya.

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Wana ni Zla d’a Djivi d’a Luc mi b’irita 10:20

Kayam ndata, agi lagi furîd’a ala muzuk ma teteng ma tchona mi ge yam kä ad’ugiya na d’i, wani agi lagi furîd’a kayambala simiyêgi mi nga b’ira akulo kur mbaktumba hAlonid’a d’a.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

Sawal la giled’a 95:1

Agi mbeyegï ei gileigi Ma didina ki delei akulo, ei suburi ahina mei d’a suta ki furîd’a!

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Jacques 1:9

Ar wiyei ma houd’a mi subur tam yam hle d’a Alona mi hlum yam akulod’a.

1 Samuel 2:1

Anne ti subur Alona, ti dala: An nga ni le furîd’a kurun yam Ma didina. An hle wa yan akulo yam djivi mamba mi lata. An ndak á san ad’u man suma djangûna. An nga ni le furîd’a, kayam Alona mi ndjununu.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Romê-na 9:2

An nga ni djib’er ngola, hurun nga mi hat teteu mi.

Sawal la giled’a 119:75

Ma didina, an wala sariya mang nga kad’a ni d’ingêr; ni kur gagazid’a ba, ang hulongôn yan kä.

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Sawal la giled’a 35:10

An mba ni de zlad’a ki hurun pet ala: Ma didina, ni nge ba, mi ndak d’igi ang na ge? Angî ma sut sama hohoud’a woi abo sama ad’eng mamba kalama, ang nga sut ma hohoud’a ki ma houd’a woi abo suma a nga hurumuzi ahle mazinina.

Sawal la giled’a 9:14

Ma didina, ang wan hohowonu, ang we ndak ka man suma djangûna a nga ndaganda, ang prud’un ndei abo matna,

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Wana ni Zla d’a Djivi d’a Luc mi b’irita 2:10

Malaikana mi dazi ala: Agi lagi mandar ri, an mbagi ni Zla d’a Djivi d’a furî d’a yam suma peta.

Wana ni Zla d’a Djivi d’a Luc mi b’irita 1:47

An nga ni le furîd’a yam Alo ma sud’una,

Matiye 26:37

Mi yo Pierre azi ki Zebede grom suma mbàna. Tam mbi nde lum a’alî, hurum hat mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.