1 Korente-na 9:21 - Bible azumeina

²¹ Hina mi, ata yima an nga aduk suma bei we gatina, an mbut tan d’igi azi na, wani an nga ad’u gat ndata d’i, kayam á faziya. Nala, an ge nga ni yan kä ad’u gata hAlonid’a d’uo na d’i, kayam an ge yan kä ad’u gata hi Christ-sa.

1 Korente-na 9:21 Referans Kwoze

Romê-na 2:12

Suma pet suma a le tchod’a bei we gata hi Moise-sina, a mba ba woi ni bei gat ndata. Wani suma pet suma a we gata hi Moise-sa suma a le tchod’ina, gat ndata mba d’i kazi sariyad’a kazi mi.

Galat-na 3:2

an nga ni djobogi va tu. Na ni agi fagi Muzu’â hAlonina ni yam sunda hi gat ta agi lata, d’oze ni yam Zla d’a Djivi d’a agi humut ta agi hagi gagazid’a kata zu?

Romê-na 2:14

Andjaf suma ding suma a we nga gata hi Juif-fîd’a d’uo na, a nga le sunda yam tazi d’igi gata de na, le azi nga ki gata d’uo pî, azi tazid’a ni gata yam taziya.

Romê-na 8:4

Hina, le ei nga tid’i bugol sa mei ma adjeuna d’uo wani le ei nga tid’i ni bugol Muzu’â hAlonina ni, ei ndak á lei vun ma djinda hi gatina memet kuriya.

Romê-na 7:25

An le mersi mAlona yam Jesus Christ Saleina. Hina, an tanda nga ni le sunda kur gata hAlonid’a ki djib’er manda, wani kur sa man ma adjeuna, an nga ni le sunda ni kur gata hi tchod’id’a.

Romê-na 7:22

An tan nga ni le furîd’a kurun krovo yam gata hAlonid’a.

Sunda hi suma a sunuzinid’a 21:25

Wani kayam andjaf suma ding suma a he gagazid’ina, ami b’irizi mbaktumba ala azi tahle suma a ngad’azi á tuwal fileinina d’oze buzuna d’oze vama guluta d’i, a le mizeuna d’uo mi.

Sunda hi suma a sunuzinid’a 16:4

Kid’a azi nga kal kur azì ma nglona tetenga, a nga gat suma a he gagazid’ina kayam a ngom zla d’a suma a sunuzina ki suma nglo suma Jerusalem-ma a ndjak vunazi kata.

Sawal la giled’a 119:32

An nga ni ring kur lovota hi vun mang ma hed’id’a, kayam ang b’lengên hurunu.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Sunda hi suma a sunuzinid’a 15:28

Kayam zla d’a Muzuk ma bei tchod’a ba na mi minita, ami minit mi. Ami min tinigi anek ka dinga kagi d’i, wani ahle suma mbeî agi lazina ba wana:

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.