1 Korente-na 7:10 - Bible azumeina

¹⁰ Kayam ndata, an nga ni he vuna mi kretiyê suma a vik aropmina, wani ni an ndi, ni Salad’a. Ar atchad’a ti wal lei ki ndjuvut ti.

1 Korente-na 7:10 Referans Kwoze

Matiye 5:32

Wani an nga ni dagiya, sama dik amambina, le nga ni yam mizeuna d’uo ni, ni mam ba, mi tinit á le mizeuna. Sama vatcha d’a digit teid’ina, mi le ni mizeuna mi.

Wana ni Zla d’a Djivi d’a Luc mi b’irita 16:18

Sama lara ma mi dik amamba woi mi vatcha d’a dingina, mi le ni mizeuna. Sama vatcha d’a ndjuvut mi digit teid’a, mi le ni mizeuna mi.

1 Korente-na 7:15

Wani sama bei he gagazid’a, le mi min á wal kamam mba he gagazid’id’a ni, ar mi wala, kayam zla d’a hina d’a d’el nga wiyeina ki wiyeid’a d’i, kayam Alona yagi ná kak ki b’leng nga halasa.

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.

1 Korente-na 7:12

An nga ni de mi suma dingâ, wani ni Salad’a d’i. Le kretiyê ma nga katcha d’a bei he gagazid’id’a ba, le d’i min á kak ki sed’emu ni, ar mi digit tei d’i.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

1 Korente-na 7:6

Wani an dagi ahle ndazina, agi lagi hina, wani nga ni vun ma hed’a d’i.

1 Korente-na 7:40

Wani an djib’er ala le d’i kak hawa bei ve ndjufâ ni, djivid’a kala. An djib’er ala ni Muzu’â hAlonina ba, mi zud’un á ded’a.

Marik 10:2

Fariziyêna a mba atam á kugumu, a djobom ala: Na ni gat meid’a ti ar lovota mi sana á dik amamba woi zu?

1 Korente-na 7:11

Le ti wal ki ndjuvud’u ni, ar ti ve ndjuf ma ding ngi. Djivid’a ti hulong min zla mata ki ndjuvud’u. Ar mandjufâ mi dik amamba woi d’uo mi.