1 Korente-na 5:8 - Bible azumeina

⁸ Kayam ndata, ar ei lei vun til meina ni kavungô ma bei anguf fa adjeud’a, bei anguf fa tchod’a, bei mizeuna mi, wani ei lumî kavungô ma bei angufa kavungô ma yed’et ma gagazina.

1 Korente-na 5:8 Referans Kwoze

Gat ta a hat á mbàd’id’a 16:3

Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina.

Buzuk ka Abud’a 12:15

Ma didina mi de kua ala: Agi tagi avungô ma bei angufina burâ kid’iziya. Tin ad’ud’a kur bur ma avo’â, agi aragi angufa avo hatagi d’i, kayam sama lara ma tavungô ma a lum kangufa kur bur ma avo’â gak bur ma kid’iziya mámina, a mba pad’am mbei aduk Israel-lâ.

Wana ni Zla d’a Djivi d’a Luc mi b’irita 12:1

Kur bur máma suma dudubu a tok gen Jesus, a nga miret taziya. Mi tin ad’ud’a de zlad’a avok mi mam suma hata ala: Agi gologi tagi djivi kangufa hi Fariziyênid’a, nala, lop ir mazid’a.

Marik 8:15

Jesus mi gad’azi ala: Agi gologi tagi djivi kangufa hi Fariziyênid’a kangufa hi Herot-ta mi.

Matiye 16:6

Jesus mi dazi ala: Agi gologi tagi djivi kangufa hi Fariziyênid’a ki d’a hi Sadusiyênid’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Matiye 16:12

Ata yi máma, suma hata a wala mi dazi ala a gol tazi djiviya ni yam angufa d’i, wani a gol tazi djivi ni yam hata hi Fariziyênid’a ki d’a hi Sadusiyênid’a.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

Sunda hi suma hi Levi-nid’a 23:6

Kur bur ma dogo yam vahlâ hi til mámina ni vun til ma a lum kavungô ma bei angufa á kud’uron an Ma didinina. Agi tagi avungô ma a lum bei angufina gak burâ kid’iziya.

2 Korente-na 8:8

An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Gat ta a hat á mbàd’id’a 16:16

Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i.

Buzuk ka Abud’a 13:6

Agi mba tagi avungô ma bei angufina gak burâ kid’iziya. Dabid’a hi bur ma kid’iziya máma agi mba lagi vun til ma he ngola mi Ma didina.

Buzuk ka Abud’a 12:8

Kur andjege ndata, agi sorogi hliu máma, agi mud’um kavungô ma lum bei angufina kasu ma aglarâ mi.

Buzuk ka Abud’a 12:19

Kur bur ma kid’iziya máma agi aragi angufa avo hatagi d’i. Le nangeina d’oze gor vut ma yam andaga ndatina pî, sama mi tavungô ma a lum kangufina, a mba pad’am mbei aduk Israel-lâ.

Buzuk ka Abud’a 13:7

Kur bur ma kid’iziya ma agi mba tagi avungô ma bei angufina, ar sa mi we angufa avo hatagi d’i, ar yam andaga magid’a pet sa mi we angufa kua d’uo mi.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.