1 Korente-na 3:6 - Bible azumeina

⁶ An ni ma ped’a, Apolos ni ma vo mbina kama, wani Alona ni ma wuluma.

1 Korente-na 3:6 Referans Kwoze

Zla d’a d’ogolâ 11:25

Sama mi le djivid’a mi sumina, mba mi mbut sama duzîna, sama nga mi he mbiyo ma tched’a mi sumina, a mba hum mbiyo ma tched’a mi.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 9:1

An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

Romê-na 15:18

Le an nga ni de zlad’a bei mandarâ ba ni, an nga ni de ni vama Christ mi lum ki sed’en á mba kandjaf suma dingâ á ge yazi kä ad’uma hol. Mi le na yam zla man nda ded’a ki sun man nda led’a,

Sunda hi suma a sunuzinid’a 21:19

Bugol la Paul mi gazi depa ged’a, mi nde mi vazi ad’u ahle suma Alona mi lazi aduk andjaf suma dingâ kur sun mambina.

Sunda hi suma a sunuzinid’a 18:24

Kur bur máma ma Juif-fâ, simiyêm ala Apolos, ambas mamba ni Alezandri, mi mba Efes. Ni ma we zla d’a ded’a heîna, mi we mbaktumba hAlonid’a ngola heî mi.

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 62:11

Agi tinigi hurugi yam ahle suma a b’ad’azi kad’engina d’i, agi tinigi hurugi yam ahle suma hurumba d’uo mi. Le ahle magina a zul heî pî, agi tinigi hurugi kazi d’i.

Sawal la giled’a 62:9

Agi suma, agi tinigi hurugi kam kur atchogoi d’a lara ge pet, agi dagizi zla d’a kurugid’a, kayam mam mi yi mei ma ngeid’a. Tchol ndjö

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

1 Korente-na 1:12

Wana ni vama an min dagizina: Suma dingâ adigagi a nga dahlena teteng ala: An ni ma hi Paul-lâ, ma dingâ ala: An ni ma hi Apolos-sâ, ma dingâ ala: An ni ma hi Pierre-râ, ma dingâ ala: An ni ma hi Christ-sâ mi.

1 Korente-na 3:7

Kayam ndata, sama ped’a ki ma vo mbina a ni va d’i, wani Alo ma ndak á wuluma ni va.

1 Korente-na 3:22

Paul, Apolos ki Pierre, duniyad’a, arid’a ki matna, vama ka tchetchema ki vama nga mbana, azi pet ni magina.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a