1 Korente-na 2:6 - Bible azumeina

⁶ Wani an nga ni de zla d’a ned’a ni mi kretiyê suma a djeng kur zlad’a hAlonid’ina. Nga ni ned’a hi suma kur duniya d’a wandina d’i, d’oze kad’enga hi suma a nga te yam duniya d’a wanda suma a mba b’lak keina d’uo mi.

1 Korente-na 2:6 Referans Kwoze

Hebre-na 5:14

Wani avuna ni yam suma a djengâ, suma a ne woi tetet á wal ir djivid’a ki tchod’ina.

Jacques 3:15

Ne d’a hina d’a ti tcholï nakulo d’i; ni ned’a hi duniyad’id’a, ni djib’era hi sanid’a, ti tcholï nata Diable.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

1 Korente-na 2:8

Sa tu aduk suma te yamba kur duniya d’a wanda ma we ne ndatina nga d’i. Ladjï a wäd’u ni, a ndak á b’al Sala ma subura akulo ata aguna d’i.

1 Korente-na 1:28

Alona mi man vama suma duniyad’a a wum ala ni va d’uo na ki vama azi golom is ala ni va irazi d’uo na á b’lak vama suma a nga golom ala ni vana woyo.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Wana ni mbaktumba hi Job-pa 12:21

Nga mi mbut suma nglona vama a golom isâ, nga mi b’at ahle suma sïna woi abo suma ad’engâ mi.

Wana ni mbaktumba hi Job-pa 12:19

Nga mi yo suma ngat buzuna magomba, nga mi tchuk suma te yamba kä.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

1 Korente-na 2:13

Wani ami nga dagiya, ami nga had’agi ni ki ned’a hi sanid’a d’i, wani ami nga had’agi ni ki hata hi Muzu’â hAloninid’a. Hina wani, ami nga vami ad’u zla d’a gagazid’a hAlonid’a mi suma a nga ki Muzuk mamina.

1 Korente-na 2:1

B’oziyona, kid’a an iza hatagi á tchagi wal zla d’a gagazi d’a mudurid’a hAlonid’a, an dagi nga ni zlad’a hi sama we zla d’a ded’a heîna d’oze ne d’a kal papad’a d’uo mi.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Matiye 19:21

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Isai 40:23

Ni ma mi hulong suma nglona yazi kä, mi mbud’uzi ni va d’uo na, mi mbut suma ka sariya suma yam andagad’ina vama hawa ya’â mi.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Sawal la giled’a 146:4

Muzugazi nga mi iya, a nga hulong kä aduk andagad’a. Kur bur máma nga hur mazina mi dap pei mi.

1 Korente-na 3:1

B’oziyona, an ndak á dagi zlad’a d’igi an nga ni dat mi suma a nga ki Muzu’â hAlonina na d’i. Wani an nga ni dagi ni d’igi agi ni suma duniyad’a na, d’igi gugurei suma a he gagazi d’a awilina na mi.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

2 Korente-na 4:3

Wani le Zla d’a Djivi d’a ami tchat walata nga ni ngeid’a ni, ni ngeid’a ir suma a nga ba woina hol.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Hebre-na 6:1

Kayam ndata, ei arei hat ta adjeu d’a yam Christ-sa woi blogeya, ei i avogovok kur hat mamba, ei mbud’i suma ndak memetna mi. Ei dok tini ad’ud’a yei á mbàd’a yam mbut hurâ yam sun nda hawa yaka ki he gagazi d’a yam Alonid’a,