1 Korente-na 2:3 - Bible azumeina

³ Kayam ndata, an kak adigagi d’igi sama amangeîna na ki mandarâ ki zlak ka ngola mi.

1 Korente-na 2:3 Referans Kwoze

2 Korente-na 13:4

Wani le a b’alam akulo ata aguna d’igi sama amangeîna na pî, mam nga karid’a yam ad’enga hAlonid’a. Hina mi, ami namangeîd’a zlapa tu ki mamu, wani ami mba kagami karid’a zlapa ki mam yam ad’enga hAlonid’a á ndjunugiya.

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

2 Korente-na 10:10

Kayam suma dingâ a nga dala: Mbaktum mamba taneka, tad’enga mi, wani le mam tamba nga adigeya ni, mam mi amangeîd’a, zla mam mba ded’a a golot is mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 18:6

Wani Juif-fâ a nga hum zla mamba d’i, a nga ngulumu. Kayam ndata, mi gas baru mama woyo, mi dazi ala: Le agi bagi woyo ni, ni tcho magid’a; zla nga kan ndi. Ki tchetchemba, an nga ni i ata andjaf suma dingâ.

2 Korente-na 7:5

Wani kid’a ami mbami yam ambas sa Maseduwan-nda, ami fami nga yima tuk tamina d’i, kayam ami fami ndaka ata yima lara ge pet. Ami nga durumi woi abu ki suma pet, wani kurumi krovo ni mandarâ.

Sunda hi suma a sunuzinid’a 17:1

Kid’a Paul azi ki Silas a kal kur Amfipolis ki Apoloni-d’a, a mbaza Tasalonik ata yima gong nga toka hi Juif-fîd’a nga kuana.

Sunda hi suma a sunuzinid’a 18:1

Bugol ahle ndazina, Paul mi tchol Aten mi i Korente.

Isai 19:16

Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

2 Korente-na 7:15

Ata yima humam gum yam ge d’a agi gagi yagi kä avoromba, ata yima agi vum atagi ki mandarâ ki zlakina, hurum vagi ngola kala.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.