1 Korente-na 16:6 - Bible azumeina

⁶ An mba ni kak hatagi ndjö, gak vun simetna kla. Bugola, agi mba ndjunun ata yima an mba ni i kuana.

1 Korente-na 16:6 Referans Kwoze

Sunda hi suma a sunuzinid’a 15:3

Kid’a suma toka a tinizi dad’a, a kal yam andaga d’a Finisi-d’a ki d’a Samari-d’a. A nga vazi ad’ud’a ni nana ba, andjaf suma dingâ a mbut huruzi mAlona ge. B’oziyoina pet a le furîd’a ngola.

Romê-na 15:24

Wani an min ala fata an i yam ambas sa Espaî-d’a, an tin hurun ala an mba ni hleza kagi á kak ki sed’egi ndjö, bugol tua ba, agi mba tinin sä kua mi.

Wana ni mbaktum mba Paul mi b’irit mi Tit-ta 3:12

Le an sun sä Artemas d’oze Tisik gevengû ni, ar ang b’at tang á fan avo Nikopolis, kayam an djib’er ala an mba kak sä kua vun simetna.

2 Korente-na 1:16

An djib’er ala an hleza hatagi tua ba, an i Maseduwan; hulong man nda ei Maseduwan-nda, an mba ni hleï kagi d’ei, agi mba tinin kur i man nda kur ambas sa Jude-d’id’a mi.

1 Korente-na 16:11

Ar sa golom is si, wani ar agi ndjunum kur tit mamba ki b’leng nga halasa, tala mam mba fanu d’a, kayam an nga ni djubum ka hî ki b’oziyoina.

Sunda hi suma a sunuzinid’a 28:11

Bugol la ami lami tilâ hindid’a, ami djagami kur bato d’a Alezandri-d’a, ni d’a a yat ala Alo ma ngoneid’a d’a, ni d’a nga d’i kak vun simetna kur til ndatid’a.

Sunda hi suma a sunuzinid’a 27:12

Kayam yima tchol bato máma mi nga djivid’a á kak kua vun simetna d’i, suma dingâ ablaud’a a ndjak vunazi á id’a, a djib’er ala dam azi mba tcha sä Fenis ata yima tchol bato ma Kret ma vunam abo ma fladegena kabo ma sutna, vunam abo ma fladegena kabo ma norâ mi na á kak kua vun simetna zi ge?

Sunda hi suma a sunuzinid’a 21:5

Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.

Sunda hi suma a sunuzinid’a 20:38

Azi nga ki hur ma wurana yam zla d’a mi dazizi ala azi dok wum iram bugol luo d’a. A tinim gak kur batod’a.

Sunda hi suma a sunuzinid’a 17:15

Wani suma a tin Paul gak Aten-na a hulongâ. Ata yi máma, Paul mi hazi vuna ala a de mi Silas azi ki Timote á fum atogo zak.