1 Korente-na 16:2 - Bible azumeina

² Kur bur ma dimas ma lara ge pet, ar nge nge pî mi tin bege d’a mi fat nga d’a yam fe mambid’a irat vat á ngomba. Ar agi djubugi ni mba manda mbeî d’i.

1 Korente-na 16:2 Referans Kwoze

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Wana ni Zla d’a Djivi d’a Luc mi b’irita 16:10

Sama d’engzeng yam ahle suma akid’einina, ni sama d’engzeng yam ahle suma nglona mi. Sama bei d’engzeng yam ahle suma akid’einina, ni sama bei d’engzeng yam ahle suma nglona mi.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Jean 20:19

Kid’a afata nik dad’a, ni bur ma dimas máma, suma hata a duk vun azì ma azi nga kuana, abo mandarâ hi Juif-fîna. Ata yi máma, Jesus mi mba, mi tchol adigaziya, mi dazi ala: An gagi depa.

Wana ni Zla d’a Djivi d’a Luc mi b’irita 24:1

Kur bur dimas ki yorogo tcholola, aropma a mba yam asud’a ki mbul ma his ma afufuî ma azi minima.

2 Sunda Hamuleinid’a 31:10

Ata yi máma ma ngol ma ngat buzuna Azariya ma ad’u andjafâ hi Sado’â mi hulong dum ala: Kid’a a tinï ad’ud’a á mba kahlena kur gong nga kud’ora hi Ma didinid’a deid’a, ami nga tamiya, ami nga hobomiya, ad’uzi ti ar mola didivir wana, kayam Ma didina mi b’e vunam yam sum mama. Gola! Ahle suma didivir ndazina, ad’uzi d’a ar molid’a ba wana!

Ad’u Tinda 26:12

Kur biza ndata Isak mi zum awuna yam andaga ndata, mi dut awuna kam kua kis, kayam Ma didina mi b’e vunam kamu.

Jean 20:26

Dimas sa mbàd’a, suma hata hi Jesus-na a nga klavi kua, vun azina nga duka mi. Toma mi nga ki sed’eziya. Ata yi máma, Jesus mi mba, mi tchol adigaziya, mi dazi ala: An gagi depa.

Marik 14:8

Ti le ni vama nda’â, ti lan mbulâ atan avok yam tos manda.

Ad’u Tinda 33:11

Ang ve he d’a hawa man nda an mbangzid’a. Kayam nAlona ba, mi handjiya, an nga kahlena pet suma ndagana. Jakob mi lum baba; Esau mi vad’u.

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

Ad’u Tinda 30:30

An fang ahligiyengî hina yegre go, a zul ki tchetchemba ni kayam anu; Ma didina mi b’e vunam kangî kayam an mi. Ki tchetchemba, ni mindja ba, an mba ni le sunda yam aziyan nge?

Ad’u Tinda 30:27

Laban mi dum ala: Ang humun djiviya; Ma didina mi dan ala mam b’e vunam kan ni kayam angû.

2 Korente-na 8:10

Kayam ndata, an nga ni dagi djib’er ra kurunda. Djivid’a agi lagi sun nda agi tinit ad’ut adjeu á led’a kur biza d’a gadjumbid’a, d’igi agi minigi á led’a na, agi ndagat vunat mi.