Biblia Todo Logo
Bib sou entènèt

- Piblisite -




1 Korente-na 16:16 - Bible azumeina

16 Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.

Gade chapit la Kopi




1 Korente-na 16:16
20 Referans Kwoze  

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.


Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.


Kayam ndata, djivid’a ei kretiyêna ei vei suma hina na ateya, kayam ei mbud’i ndrozi suma sunda kur gagazid’a.


Ang nga ve tang ad’enga, ang nga fe ndaka kanu, wani ang tang tchuk nga lus si.


Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.


Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.


Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.


B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.


Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.


Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.


Ar agi gagi yagi kä ad’u tagi d’igi agi gagi yagi kä avok Christ na mi.


Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.


Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.


Agi gagi Trifen ki Trifos arop suma a nga le sunda hi Salad’id’ina depa. Agi gagi banan nda an le kat heîd’a Persit ta le sunda ngola yam Salad’id’a depa mi.


Agi gagi Urbain ndrei ma sunda hi Christ-sâ zlapa ki banan ma an le kam heîna Estasis depa mi.


Agi gagi Marie d’a le sun nda ngola heî kagid’a depa.


Agi gagi Prisil ki Akila ndron suma sunda hi Jesus Christ-sâ depa.


Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.


Sana mi fe ni djiviya me ata sun nda mi lat ki kaud’a yam andagad’a ka hid’a ge?


Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.


Swiv nou:

Piblisite


Piblisite