1 Korente-na 14:39 - Bible azumeina

³⁹ Kayam ndata, b’oziyona, ar agi b’ad’agi tagi á djok vun Alona, wani ar agi d’elegi suma á de zlad’a ki vuna hi suma tetengîna d’uo mi.

1 Korente-na 14:39 Referans Kwoze

1 Korente-na 14:1

Kayam ndata, ar agi halagi ni od’a. Ar agi b’ad’agi tagi yam he d’a hawa d’a Muzu’â hAlonina mi hagizid’a, kal pet ná djok vun Alona.

1 Korente-na 12:31

Kayam ndata, ar agi djib’eregi yam he d’a hawa d’a kal tegles sa tetenga. Wani ki tchetchemba, an nga ni tagagi lovot ta djivi d’a kala.

1 Tasaloni’â 5:20

Agi gologi zla d’a djok vuna hi suma djok vun Alonid’a is si.

1 Korente-na 14:5

Kayam ndata, an min ala agi pet dagi zlad’a ki vuna hi suma tetengâ, wani vama kalâ, an min ala agi djogogi vun Alonina. Le sana nga mi de zlad’a ki vuna hi suma tetengâ ba, le sama ding nga mi vum ad’um mbei abu á wul ki Toka akulo d’uo ni, sama nga mi djok vun Alonina mi kalamu.

1 Korente-na 14:3

Wani sama nga mi djok vun Alona, mi de ni mi suma á wuluzi akulo kur he gagazi mazid’a, á hazi ad’enga, á b’lengêzi huruzi mi.

1 Korente-na 13:2

Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

1 Korente-na 14:38

Wani le mi wat nga d’uo ni, ar agi wum mbuo mi.