1 Korente-na 14:1 - Bible azumeina

¹ Kayam ndata, ar agi halagi ni od’a. Ar agi b’ad’agi tagi yam he d’a hawa d’a Muzu’â hAlonina mi hagizid’a, kal pet ná djok vun Alona.

1 Korente-na 14:1 Referans Kwoze

1 Korente-na 14:39

Kayam ndata, b’oziyona, ar agi b’ad’agi tagi á djok vun Alona, wani ar agi d’elegi suma á de zlad’a ki vuna hi suma tetengîna d’uo mi.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

1 Korente-na 16:14

Ar agi lagi sun magid’a pet ni ki od’a.

1 Korente-na 12:1

B’oziyona, an min ala agi wagi ad’u he d’a hawa d’a Muzu’â hAlona nga mi heizid’a woi tetet.

1 Korente-na 13:13

Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

1 Tasaloni’â 5:20

Agi gologi zla d’a djok vuna hi suma djok vun Alonid’a is si.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

1 Korente-na 14:37

Le sama djib’er ala mi mbut ma djok vun Alona, d’oze le mi djib’er ala Muzu’â hAlonina mi hum he d’a hawad’a ni, ar mi wala vama an b’irigizina ni vun ma hed’a hi Salad’ina.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

1 Korente-na 12:31

Kayam ndata, ar agi djib’eregi yam he d’a hawa d’a kal tegles sa tetenga. Wani ki tchetchemba, an nga ni tagagi lovot ta djivi d’a kala.

Zla d’a d’ogolâ 21:21

Sama nga mi tit yam d’ingêra ki djivid’ina mba mi fe arid’a ki d’ingêra ki subura mi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

Romê-na 12:6

Wani ei nga ki he d’a hawad’a teteng d’igi Alona mi heizi hawa na. Le sana adigei mi nga ki he d’a hawad’a á djok vun Alona ni, ar mi le hina kur ad’enga hi he gagazi mambid’a.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

Romê-na 9:30

Na ni ei mba dei nana ge? Gola! Andjaf suma ding suma a hal nga á mbut tazi d’ingêr avok Alona d’uo na, Alona mi mbud’uzi wa suma d’ingêrâ avorom yam he gagazid’a.

Romê-na 14:19

Kayam ndata, ar ei halei ahle suma a nga mba ki b’leng nga halasa suma a nga minï akulo kur he gagazid’ina.

1 Samuel 10:5

Mi dum kua ala: Bugola, ang mba mbaza avo Gibeya-Elohim ata yima Filistê-na a nga ki kangâ kuana. Ata yima ang mbaza go ki vun azinina, ang mba ngaf kadesâ hi suma djok vun Alonina, a nga tchugï asezi kä woi yam yima nding ma a tinim iram vama. Suma a nga lü kadingâ, daliyâd’a, taulâd’a ki gangad’a avoroziya, azi tazi a nga djok vun Alona woi mi.

1 Korente-na 13:2

Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

1 Korente-na 14:22

Kayam ndata, he d’a hawa d’a de vuna hi suma tetengîd’a ni vama taka yam suma bei he gagazid’ina, wani ni yam suma a he gagazid’ina d’i. Wani he d’a hawa d’a djok vun Alonid’a ni vama taka yam suma bei he gagazid’ina d’i, wani ni yam suma he gagazid’ina.