1 Korente-na 13:4 - Bible azumeina

⁴ Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

1 Korente-na 13:4 Referans Kwoze

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

Zla d’a d’ogolâ 10:12

D’ugura nga d’i tchol ki huneîd’a aduk suma, wani od’a nga d’i zlup yam tcho d’a lara ge pet mi.

1 Jean 4:11

Buniyôn suma od’a, le Alona mi le kei na ni, mbeî ei lei yam tei na mi.

Zla d’a d’ogolâ 17:9

Sama nga mi tin humam yam tcho d’a a lumzid’a d’uo na, mi halî od’a, wani sama nga mi dugud’ot ded’ina mi walî sana woi ki banama.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

Zla d’a d’ogolâ 19:22

Vama suma a minim ata sanina ni djivi d’a led’a. Hotei ang kak sama houd’a kal la ang mbut sama ka zlad’id’a.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Galat-na 5:26

Ar ei halei subur ra hawa yaka á zalei hur tei d’i. Ar ei lei yungôra yam tei d’uo mi.

1 Korente-na 4:6

B’oziyona, an nga ni dagi zla manda ki d’a hi Apolos-sa d’igi vama simata na á had’agiya, kayam agi wagi ad’u zla d’a d’ogol la wanda ala: Ar sa tchila yam zla d’a a b’irita d’uo d’a. Hina wani, ar agi suburugi tagi yam sama dingâ á gologi ma ding is si.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Zla d’a d’ogolâ 31:26

Ti nga d’i mal vunat á de zlad’a ni ki ned’a, hat ta djivid’a nga d’i ndavunat mi.

Zla d’a d’ogolâ 31:20

Ti nga d’i mat abot á hahlena mi suma hohoud’a, nga d’i mat abot á ndjun suma kid’aka mi.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Ma tchi wala 10:4

Le sama te yamba hurum zal kangû ni, ang ar yi mang ma sunda woi d’i, kayam kak ka mudjuka nga d’i ve vun hur ma zal ma tchona kä.

Zla d’a d’ogolâ 13:10

Sama yam mba ad’enga mi tchu’î huneîd’a aduk suma, wani ned’a a fat nata suma a hum d’al ma ded’ina.

Sawal la giled’a 10:5

Ahle suma mi lazina nga mi fazi tatap; sariya nga d’i vum mbi; nga mi gol mam suma djangûna is mi.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

1 Timote 6:4

ni sama yam mba ad’enga, mi we nga va d’i. Mi tin hurumî yam tuguyo d’a tchid’a ki ngengâ, ni zla d’a nga d’i mba ki yungôra ki huneîd’a ki ngula ki djib’er ra tchod’a,

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

Romê-na 1:29

Azi ni suma lahle suma batrangâ, tchod’a, d’od’oka, murud’umba, yungôra, tchi matna, yalâ, mbut ira ki ngangata. Azi ni suma ka ad’ud’a,

Ad’u Tinda 37:11

B’oziyoma huruzi zal atamu, wani abum mi ve zla ndata kurumu.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

1 Korente-na 4:18

Wani ki tchetchemba, suma dingâ adigagi a nga subur tazi kayam a djib’er ala an mba ni mbaza hatagi d’i.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

Filip-ma 1:15

Gagazi, suma dingâ adigazi a nga tchi wal zlad’a hi Christ-sa ki yungôra kanu, ki tuguyod’a mi, wani suma dingâ a nga tchi wal zlad’a hi Christ-sa ki djib’er ra djivid’a.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

1 Korente-na 5:2

Agi nga suburugi ni tagi zango zu? Wani agi nga had’agi hurugi á digigi sama le sunda hina d’a woi adigagi d’uo zu?

Matiye 27:18

Kayam mi we tcha ala ni yam yungôra ba, a hum ki Jesus wana.

Ad’u Tinda 30:1

Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!