1 Korente-na 13:2 - Bible azumeina

² Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

1 Korente-na 13:2 Referans Kwoze

1 Jean 4:8

Sama nga mi le od’a d’uo na, mi we nga Alona d’i, kayam Alona tamba ni od’a.

1 Korente-na 13:3

Le an b’rau ahle mana mi suma hohoud’a pet, le an he tan á ngala woi pî, le an nga ni le od’a d’uo ni, ndata ni sun nda hawa yaka.

Matiye 17:20

Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Matiye 21:21

Jesus mi hulong dazi ala: Gagazi, an nga ni dagiya, le agi nga ki he gagazid’a bei gigrita ni, agi mba lagi ni vama le ki tuluma wana go d’i, wani le agi dagi mahina d’a wanda ala: Ndak pat tak ge tak kur alum ma ngolâ pî ni, mba d’i pat mi.

Efes-sâ 3:4

Kur ndumba agi mba wagi wäd’u manda yam zla d’a mudurid’a hi Jesus Christ-sa.

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

Galat-na 5:16

Wani an nga ni dagiya, ar agi tid’igi yam minda hi Muzu’â hAlonina. Hina wani, agi mba tid’igi yam minda hi sa magi ma adjeunid’a d’i.

Kolos-sâ 1:26

nala, zla mam mba muduri d’a mi ngeyet tei ir suma kur atchogoi d’a pet ta kala. Wani ki tchetchemba, mi ndat tei mi sum mama.

Galat-na 6:3

Le sama ding djib’er ala mam ndak va, wani le mi ndak va d’uo ni, mam lop mi tamu.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Efes-sâ 6:19

Agi tchenegi Alona kan mi, kayam mi han ad’enga á de zla d’a irata bei mandarâ ba, á väd’u zla d’a mudurid’a hi Zla d’a Djivid’id’a woi abua.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Matiye 21:19

Mi we tuluma mi nga tchola avun lovota, mi i atamu, wani mi fe nga va d’i, ni humam hol. Jesus mi dum ala: Ang dok vut tuo d’a. Ata yi máma na wat, mi so woyo.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

2 Korente-na 12:11

An nga ni de zlad’a ni d’igi sama lilid’a na, wani agi lan kad’enga ni agiya. Djivid’a ni agi ba, yoronu, kayam an ni va d’i. Wani suma agi nga golozi ala ni suma a sunuzi suma nglona na a kalan nga ki va tu d’i.

1 Korente-na 14:39

Kayam ndata, b’oziyona, ar agi b’ad’agi tagi á djok vun Alona, wani ar agi d’elegi suma á de zlad’a ki vuna hi suma tetengîna d’uo mi.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Sunda hi suma a sunuzinid’a 13:1

Aduk suma tok suma Antiyos-sâ, suma djok vun Alona ki suma hat suma a nga, nala, Barnabas, Simeon ma a yum ala Ma wurana na, Lusiyus ma Siren-na, Manayen ma wul asem tazi kamulâ Herot-na ki Saul mi.

Romê-na 15:14

B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi.

1 Korente-na 11:4

Le mandjuf ma lara ma nga mi tchen Alona d’oze nga mi djok vun Alona kur Tokina, le mi zlup va kamu ni, mi mbut ni Christ zulona.

1 Korente-na 13:8

O mamba nga d’i kak didin. Zlad’a hi suma djok vun Alonid’a mba d’i kal leyo, he d’a hawad’a á de vuna hi suma tetenga mba d’i dap peyo, wed’a hi sumid’a mba d’i kal lei mi.

1 Korente-na 14:4

Sama nga mi de zlad’a ki vuna hi suma tetengâ, mi wulî he gagazi mamba tata akulo. Wani sama nga mi djok vun Alonina, mi wulî he gagazi d’a hed’a hi suma Tokid’a pet akulo.

1 Korente-na 14:29

Ar suma djok vun Alona mbà d’oze hindi a de zlad’a, suma hiuna a ka ir zla d’a azi nga data.

1 Korente-na 15:51

Gola! An nga ni dagi zla d’a mudurid’a: Ei mba boi pet ti, wani fata adif fa dananda ti tchid’a, ei mba mbud’i pet atogo zak d’igi ir ra tchemba na. Kayam ata yima ti tchina, suma matna a mba tchol akulo ki ta d’a bei matna, ei mba mbud’i pet mi.