1 Korente-na 12:3 - Bible azumeina

³ Kayam ndata, an min agi wagi woi tetet ala sama Muzu’â hAlona nga mi tagam lovotina, mi ndak á dala: Jesus ni sama a gum vunina d’i. Wani sama ndak á dala: Jesus ni Salad’a ma bei Muzuk ma bei tchod’a ba na mi tagam lovotina nga d’uo mi.

1 Korente-na 12:3 Referans Kwoze

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Romê-na 10:9

Le ang de woi ki vunang ala Jesus ni Salad’a, le ang he gagazid’a kurung ala Alona mi tcholom akulo aduk suma matna ni, ang mba fe suta.

Jean 13:13

Agi nga yan ala Ma hat suma, Salamina. Agi yan nata yad’u, kayam an ni mamu.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Jean 15:26

Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu.

Matiye 22:43

Mi dazi ala: Ni nana ba, Muzu’â hAlonina mi zut David mi yum ala Salana ge? Kayam David mi dala:

Marik 9:39

Jesus mi dazi ala: Agi d’elem mbi, kayam me le sana nga mi le sun nda ndandala ki simiyênu ni, mi ndak á de zla d’a tchod’a kan atogo d’i.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Gat ta a hat á mbàd’id’a 21:23

agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Jean 13:14

Le an ni Salagina ni ma had’agina mi ba, ni mbuzugi asegiya ni, agi pî mbuzugi asem tagi na mi.

Sawal la giled’a 109:20

Ma didina mba mi wurak suma a tchugun zlad’a kan suma a nga de zla d’a tchod’a kan mi na.

Sunda hi suma a sunuzinid’a 8:37

Filip mi hulong dum ala: Ang le he gagazid’a ki hurung ped’u ni, ang ndak á le batemba. Sa máma mi hulong dum ala: An he gagazid’a ala Jesus Christ nAlona Goroma.]