1 Korente-na 11:25 - Bible azumeina

²⁵ Bugol tena, mi hle kopma hina mi, mi dazi ala: Kop ma wana ni vun ma djin ma awilina hAlona ma mi djinim ki buzuwana. Ata yima lara ma agi nga tchagizina, ar agi lagi hina á djib’eregi kanu.

1 Korente-na 11:25 Referans Kwoze

Wana ni Zla d’a Djivi d’a Luc mi b’irita 22:20

Bugol tena mi hle kopma hina mi, mi dazi ala: Ma wana ni vun ma djin ma awilina hAlona ma mi djinim ki buzuwan ma mba mi djang ngei kagina.]

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

1 Korente-na 10:16

Agi djib’eregi yam kop ma ei nga lei mersi mAlona kama. Ata yima ei nga tchuma, ei lei ni darigïd’a ki buzuna hi Christ-sâ d’uo zu? Avungô ma ei nga mbruguma, ata yima ei nga tuma, ei lei ni darigïd’a ki hliuna hi Christ-sâ d’uo zu?

2 Korente-na 3:14

Wani Israel-lâ a b’al huruzi kiki. Gak ini ata yima a nga ndum kur mbaktumba hi vun ma djin ma adjeunina, baru d’a ka ira nga zlupa yam djib’er mazid’a, kayam ni Christ hol ba, mi hô baru d’a ka ir ndata woyo.

Buzuk ka Abud’a 24:6

Moise mi go buzu ma mi vom kä kur halîna nus, mi yam buzu ma nus ma ar kä na yam yima ngal ahle suma ngat buzuna.

Buzuk ka Abud’a 24:8

Moise mi go buzu ma kä kur halîna, mi yamam yam Israel-lâ, mi dazi ala: Wana ni buzu ma Ma didina mi djin vunam kam ki sed’egi yam zla d’a pet ta mam dagizid’ina.

Jeremi 31:31

Ma didina mi dala: Gola! Burâ nga mi mba. Kur bur máma an mba ni djin vunan djin nda awilid’a ki Israel-lâ ki suma Juda-na mi.

1 Korente-na 11:24

Kid’a mi le mersi mAlona kamba, mi mbrugum kä, mi dala: Ma wana ni hliwin ma an hum mbei kagina. Ar agi lagi hina á djib’eregi kanu.