1 Korente-na 10:28 - Bible azumeina

²⁸ Wani le sama dingâ mi dagi ala: Hliu máma a ngad’amî buzuna mi fileina ni, ar agi tagizi d’i, yam sama dagina ni yam djib’er ra krovod’a.

1 Korente-na 10:28 Referans Kwoze

1 Korente-na 10:26

D’igi mbaktumba hAlonid’a ti de na ala: Andagad’a kahle suma kurutna pet a ni hi Ma didinina.

1 Korente-na 8:7

Wani suma pet a we nga ad’u gagazi ndata d’i. Suma dingâ a hat ki fileina, le a te te ma hina na ni, a djib’er ala ni te ma a ngad’am buzuna mi fileinina gagazi. Kayam djib’er ra kuruzid’a namangeîd’a, azi mbut ndjendjed’a yam te ma hina na.

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Sawal la giled’a 115:16

Akulod’a nakulod’a hi Ma didinid’a, wani mi handagad’a ni mi suma.

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Gat ta a hat á mbàd’id’a 10:14

Gola! Akulod’a pet, andagad’a kahle suma kurutna pet ni suma hi Ma didina Alo maginina.

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

1 Korente-na 8:9

Agi suma mbud’ugi gro vutina, agi gologi tagi djiviya. Ar agi mbud’ugi vama puk suma amangeîd’a kur he gagazid’a d’i.