1 Korente-na 1:8 - Bible azumeina

⁸ Ni mam ma mba mi hagi ad’enga gak bur ma dabid’a, tala agi kagagi suma bei zlad’a kagi ba kur bur ma mbad’a hi Saleina Jesus Christ-sâ na.

1 Korente-na 1:8 Referans Kwoze

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

Kolos-sâ 1:22

Wani ki tchetchemba, kayam matna hi Goromina, mi zlabagi darigïd’a ki mamu, kayam agi kagagi suma yed’etna suma bei tchod’a suma bei zlad’a kagi ba na avoromu.

Filip-ma 1:6

Kayam an wala Alo ma tin ad’u le sun nda djivid’a kurugina, mba mi lat gak bur ma mbad’a hi Jesus Christ-sâ.

2 Tasaloni’â 3:3

Wani Salad’a ni Ma d’engzengâ, mba mi siragiya, mba mi ngomogi abo Ma tchona mi.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Filip-ma 1:10

kayam agi walagi ir ahle suma djivina. Hina, agi mba kagagi yed’et bei zlad’a kagi ba kur bur ma mbad’a hi Christ-sâ.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

2 Korente-na 1:21

NAlona tamba ba, mi sirami ami ki agi yam Christ, mi tini irei vei mi.

Sawal la giled’a 37:17

Kayam ad’enga hi suma asa’atnid’a mba d’i dap peyo, wani Ma didina mba mi ndjun suma d’ingêrâ.

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

Wana ni Zla d’a Djivi d’a Luc mi b’irita 17:24

Ni d’igi alona mi wile abo tu mi b’o yina gak mi ndeza abo woi hî na, mbad’a hi an Gor Sanid’a mba d’i le hina mi.

Wana ni Zla d’a Djivi d’a Luc mi b’irita 17:30

Wani bur ma an Gor Sana mba ni nde woina, mba mi le ni hina mi.

Romê-na 8:19

Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

1 Korente-na 3:13

sunda hi nge nge pî ad’ut mba d’i nde woi ni kur bur ma ka sariyad’a. Kur bur máma a mba ndat tei ni kakud’a, kayam akud’a mba d’i kuk sunda hi nge nge pî á tagat tei abua.

2 Korente-na 1:13

Kayam kur mbaktum mamid’a, ami b’irigi nga vama ding ngi, ni vama agi nga ndumugizina, agi humum mi. An djib’er ala ki tchetchemba, agi nga wagi ad’um nde, wani an hal ala agi wum ad’um mbei tetet mi. Hina, kur burâ hi Saleina Jesus Christ-sâ, agi mba suburugi tagi kami d’igi ami suburumi tami kagi na mi.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

2 Tasaloni’â 2:2

Ar djib’er magid’a ti mbut atogo zak d’oze vunadigagi d’i pat yam djok vuna hi sa d’oze yam wal la tchid’a d’oze yam mbaktum mba ala ti tcholï ni hatami ala: Burâ hi Salad’ina mi mba wa da d’a d’i.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.