1 Jean 5:1 - Bible azumeina

¹ Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

1 Jean 5:1 Referans Kwoze

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

Jean 8:42

Jesus mi dazi ala: Ladjï Alona nAbugiya ni, agi mba lagi kanu, kayam an tcholï ni gen Alona ba, ni mba wana, kayam an mba ni yam tan ndi, wani ni mam ba, mi sununïya.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Jean 5:4

kayam nge nge pî ma Alona mi vud’uma, nga mi kus yam duniyad’a. Vama kus yam duniyad’ina ni he gagazi meid’a.

1 Jean 4:20

Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?

1 Jean 3:9

Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

1 Jean 2:10

Sama nga mi le yam wiyemina, mi nga ni kaka kur b’od’a, vama puk wiyema kur tchod’ina mi nga atam mbi.

Jean 15:23

Sama noyôna, mi noî nAbun mi.

1 Jean 4:2

Lovot ta agi wagi ki Muzu’â hAlonina ba wana: Muzuk ma lara pî ma nga mi de woi ala: Jesus Christ mi mbut sana na, ni muzuk ma tcholï gen Alonina.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

1 Jean 5:5

Sama kus yam duniyad’a ni nge ge? Ni ma he gagazid’a ala: Jesus nAlona Goroma na hol.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.

Wana ni Zla d’a Djivi d’a Luc mi b’irita 7:5

kayam mam le yam andjavei heî; ni mam ba, mi minimi gong mami d’a toka.

Sunda hi suma a sunuzinid’a 8:37

Filip mi hulong dum ala: Ang le he gagazid’a ki hurung ped’u ni, ang ndak á le batemba. Sa máma mi hulong dum ala: An he gagazid’a ala Jesus Christ nAlona Goroma.]