1 Jean 4:21 - Bible azumeina

²¹ Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

1 Jean 4:21 Referans Kwoze

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

1 Jean 3:11

Wana ni zla d’a agi humugizi avok dei ala: Ei lei yam teya d’a.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

Galat-na 5:14

Kayam gata tok ahlena pet ni kur vun ma he ma tu máma ala: Ang le yam ndrangâ d’igi ang tanga na.

Jean 15:12

Wana ni vun man ma hed’a: Ar agi lagi yam tagi d’igi an le kagi na mi.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

Wana ni Zla d’a Djivi d’a Luc mi b’irita 10:37

Ma hat gata mi dum ala: Ni ma wum hohowoma. Jesus mi dum ala: Ang iya, ang le hina mi.

1 Jean 4:11

Buniyôn suma od’a, le Alona mi le kei na ni, mbeî ei lei yam tei na mi.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

Matiye 5:43

Jesus mi had’azi kua ala: Agi humugi zla d’a a dat ala: Ang le yam ndrangâ, ang noî mang ma djangûna d’a.

1 Jean 2:7

Buniyôn suma od’a, an nga ni b’irigi ni vun ma he ma awilina d’i, wani ni vun ma he ma adjeu ma agi nga ki sed’em avok deina. Vun ma he ma adjeu máma ni zla d’a agi humuta.