1 Jean 2:4 - Bible azumeina

⁴ Sama dala: An wumu, wani nga mi ge yam kä ad’u vun ma he mama d’uo na, ni sama ka zlad’a, zla d’a gagazid’a ti nga kurum mbi.

1 Jean 2:4 Referans Kwoze

1 Jean 1:6

Le ei dei ala: Ei nga lei darigïd’a ki sed’emu, wani le ei nga tid’i kur nduvunda tua ni, ei kei ni zlad’a, ei nga tid’i yam gagazid’a d’i.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

1 Jean 1:8

Le ei dei ala: Ei nga ki tchod’a d’uo ni, ei lobei ni teya, zla d’a gagazid’a nga kuri d’i.

1 Jean 4:20

Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?

1 Jean 2:9

Le sana nga mi dala mam nga mi tit kur b’od’a, wani le nga mi noî wiyema woyo ni, mi nga ni kur nduvunda tua.

1 Jean 1:10

Le ei dei ala: Ei lei nga tchod’a d’uo ni, ei mbut Alona ni ma ka zlad’a, zla mamba nga kuri d’uo mi.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Wana ni mbaktum mba Paul mi b’irit mi Tit-ta 1:10

Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.

1 Jean 2:3

Le ei nga gei yei kä ad’u vun ma hed’a hAlonina ni, ei wei ala ei wei Alona.

1 Jean 3:6

Nge nge pî ma nga mi tit zlapa tu ki Christ-sâ, nga mi le tchod’a d’i. Nge nge pî ma nga mi le tchod’ina, mi gol nga Christ si, mi wum nga d’uo mi.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.