1 Amuleina 9:3 - Bible azumeina

³ Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

1 Amuleina 9:3 Referans Kwoze

1 Jean 5:14

Wana ni hur ma tin mei ma kama ala: Le ei tchenei ni me pî kur min mamba ni, nga mi humiya.

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

1 Amuleina 8:29

Ang mal irang ngei ang gol gong ndata ki djivid’a andjege ki faleya. Ni yima ang de kam ala: Ni yima an mba ni kak kuana na. Ang hum tchen nda an azong mangâ nga ni tcheneng ata yi mámid’a.

Sawal la giled’a 116:1

Hurun ve Ma didina, kayam nga mi humun delen ki tchen manda.

Gat ta a hat á mbàd’id’a 11:12

nambas sa Ma didina Alo magina nga mi ngomota, ni d’a Ma didina Alo magina iram nga tinda kat burâ ki burâ ata ad’u tinda hi bizad’id’a dei gak dabi matid’a.

2 Sunda Hamuleinid’a 6:40

Ki tchetchemba, Ma didina Alo mana, ang mal irang ngeyo, ang tin humang ang hum tchen nda an nga ni tcheneng ata yima wanid’a.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Daniel 9:23

Ata yima ang tin ad’ud’a á tchen Alona tchen nda hud’ina, mi geï sunda á dang zlad’a, an mba ná dangziya, kayam Alona mi le kang heî. Ang ve zla ndata djiviya, ang wäd’u vama mi nde tam mbei irangâ mi.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Ndumba 16:38

Ahle suma yo aku suma kaweina hi suma a le tchod’a a bo ki na, a bed’ezi woyo. Agi b’alazi ata yima ngal ahle suma ngat buzuna. Kayam azi mba ki sed’ezi avogon an Ma didina, a mbut nahle suma a tinizi irazi vazina, a mba mbut nahle suma taka mi Israel-lâ mi.

Jean 11:42

An we tcha ala ang nga humun teteu, wani an de ni yam ablau suma nguyun wana, kayam azi fe lovota á he gagazid’a ala ni ang ba, sununïya.

Sawal la giled’a 66:19

Wani Alona mi humunu, mi tin humam mi hum tchen manda mi.

Gat ta a hat á mbàd’id’a 12:21

Le yima Ma didina Alo magina mba mi manam á tin simiyêm kuana mi dei ki sed’egiya ni, agi ndak á tchagi d’uwar magi ma nglona ki ma gurei ma Ma didina Alo magina mi hagizina d’igi an hagi vuna na, agi ndak á mud’ugizi ata yima agi mba kagagi kuana d’igi agi min na mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

Esdras 6:12

Ar Alo ma tin simiyêm kur yi mámina, mi b’lak amuleina kandjaf suma pet suma a tchila yam vun ma he máma á b’lak gong nga kud’ora hAlona d’a nga Jerusalem-mid’a woina. Ni an Dariyus ba, ni he vun máma. Ar suma a le sunda kam memet!

Sawal la giled’a 34:17

Ma didina mi mbut iram á kak djangûna ki suma asa’atna, á hled’ezi woi yam andagad’a tala sa djib’er kazi bugol luo d’a.

Buzuk ka Abud’a 29:44

An mba ni mbut zlub’u d’a ngaf tad’a ki yima ngal ahle suma ngat buzuna nahle suma an tinizi irazi vazina, an mba ni mbut Aron azi ki groma ni suma an tinizi irazi vazina mi, kayam azi lan sun nda ngat buzuna.

Sawal la giled’a 65:3

Ang ma nga hum tchendina, suma pet a mba mba atangû.

Jeremi 7:10

Bugola, agi mbagi avoron kur gong nga agi tchenen kuad’a, agi nga dagi ala: Ami prud’umi woi da’! Wani ná lahle suma ndjendje suma lara ge pet!