1 Amuleina 8:60 - Bible azumeina

⁶⁰ Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

1 Amuleina 8:60 Referans Kwoze

Gat ta a hat á mbàd’id’a 4:35

Agi wagi ahle ndazina woi tetet, nala, agi wagi woi tetet ala Ma didina tu nAlona. Ma ding ma d’igi mam na na nga d’i.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

1 Amuleina 18:39

Kid’a Israel-lâ pet a we hina d’a, a grif kä, a dala: Ma didina nAlo ma gagazina! Ma didina nAlo ma gagazina!

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.

Gat ta a hat á mbàd’id’a 4:39

Agi wagi ini woi tetet, agi vagi zla ndata kurugi ala Ma didina tu nAlona; sä akulo hur alona d’oze yam andagad’a ka hî, alo ma ding nga d’i.

Joel 2:27

Agi mba wagi ala an nga aduk Israel-lâ, an ni Ma didina Alo magina. Ma ding nga d’i. Agi sum mana, agi mba mbud’ugi zulona d’uo d’a.

1 Amuleina 8:43

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet azi mba wangû, a mba hat á lang mandarang d’igi mang suma Israel-lâ a nga lang mandarang na mi. Ar azi wala azi tchenengî kur gong nga an minit wanda.

Josue 4:24

Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

1 Amuleina 8:59

Ar Ma didina Alo meina mi djib’er yam tchen nda an tchenemba andjege ki faleya, ar mi le ki an azong mama ki agi sum mama ata lovot ta d’ingêra burâ ki burâ mi.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.