1 Amuleina 8:43 - Bible azumeina

⁴³ ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet azi mba wangû, a mba hat á lang mandarang d’igi mang suma Israel-lâ a nga lang mandarang na mi. Ar azi wala azi tchenengî kur gong nga an minit wanda.

1 Amuleina 8:43 Referans Kwoze

Sawal la giled’a 102:15

Kayam ami azungeî mangâ hurumi ve ahuniyô matna, b’lak mazid’a hohoud’a ti vami ad’uziya.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Sawal la giled’a 67:2

Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

2 Sunda Hamuleinid’a 6:33

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet a mba wangû, a mba hat á lang mandarang d’igi Israel-lâ a nga lang mandarang na mi. Ar azi wala azi tchenengî kur gong nga an minit wanda.

Josue 4:24

Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

Josue 4:23

Kayam Ma didina Alo meina mi so alum ma Jurdê-na woi avoromi gak ami djagami woi d’igi mi so alum ma ngol ma Tchereuna woi avogomi gak ami djagami woi na mi.

1 Amuleina 8:60

Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Sunda Hamuleinid’a 16:8

Agi gilegi Ma didina, agi dagi woi yam ngol mamba, agi tagam sun mamba woi aduk andjaf suma dingâ mi.

Sawal la giled’a 33:14

ata yam ma kaka, nga mi gol suma yam andagad’ina pet;

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Gat ta a hat á mbàd’id’a 26:15

Ata yang ma kak ma ang tinim iram vam ma sä akulona, ang golomiyâ, ang b’e vunang yam ami mang suma Israel-lâ yam andaga d’a ang hamizi d’a ang gun tang kat mabuyomi ngolod’a, nala, ambas sa ambira ki mbul ayuma a nga sor kä kuad’a.