1 Amuleina 8:15 - Bible azumeina

¹⁵ Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David-ta kad’eng mamba ala:

1 Amuleina 8:15 Referans Kwoze

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

Wana ni Zla d’a Djivi d’a Luc mi b’irita 1:70

d’igi mi davok dei avun mam suma djok vun suma mi tinizi irazi vazi kur atchogoi d’a kal leid’ina na.

Sawal la giled’a 115:18

Wani eya, ei mba suburi Ma didina, ki tchetchemba, gak didin. Agi gilegi Ma didina!

2 Sunda Hamuleinid’a 6:4

Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David ala:

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Wana ni Zla d’a Djivi d’a Luc mi b’irita 1:72

Mam mba mi tak we hohou mamba woi mabuyoi ngolo, mba mi djib’er yam vun mam ma djin ma bei ka zlad’a ba na mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Sawal la giled’a 138:2

An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

Sawal la giled’a 41:13

Wani ang djigin akulo ni yam d’ingêr manda, ang nga ngomon kä avorong teteu.

2 Sunda Hamuleinid’a 20:26

Kur bur ma fid’ina azi tok kur hor ra Beraka-d’a, ni yima a le mersi mi Ma didina kuana. Ni kayam ndata ba, a nga yi yi máma gak ini ala Hor ra Beraka-d’a.

1 Sunda Hamuleinid’a 17:12

Ni mam ba, mba mi minin gonga, an mba ni hum ad’enga á tamula gak didin mi.

2 Samuel 7:25

Ki tchetchemba, Ma didina, Alo mana, ar ang ndak vun zla d’a ang dat mi an azong mangâ kandjavanda ti kak hina, ar ang le d’igi ang de na gak didin.

2 Samuel 7:5

Ang i de mazong mana David ala: An Ma didina ni dala: Ni ang ba, mba minin gong nga an mba ni kak kuad’a zu?

2 Samuel 6:18

Kid’a David abom dap he d’a hawa d’a ngala ki he d’a hawa d’a ngat buzu d’a zlap darigïd’a dapa, mi b’e vunam yam suma ki simiyê Ma didin ad’engêm kal petna.

1 Sunda Hamuleinid’a 16:36

Ar ei lei mersi mi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

1 Sunda Hamuleinid’a 22:10

Ni mam ba, mba mi min gonga akulo ki simiyênu, mam mba mi arî gorona, an mba ni arî abum mi. An mba ni hum ad’enga á tamula aduk Israel-lâ gak didin.

1 Samuel 25:32

David mi de mi Abigayel ala: Mersi mi Ma didina Alona hi Israel ma sunugï ini á ngaf ki sed’ena.