1 Amuleina 7:45 - Bible azumeina

⁴⁵ Anduru ma yo butna ki pelâ ki tazana mi. Ahle ndazina pet nahle suma amulâ Salomon mi he vuna mi Hiram kazi á lazi yam gong nga kud’ora hi Ma didinid’ina, mi lazi ni ki kawei ma hleu ma a hegem mbeina.

1 Amuleina 7:45 Referans Kwoze

Buzuk ka Abud’a 27:3

Agi lagi yi mam ma ko butna ki pel mama, hal mama, kiyor mam ma siyam hindina kanduru ma yo akud’a. Ahle mam suma sunda pet agi lazi ni ki kawei ma hleuna.

2 Sunda Hamuleinid’a 4:16

Anduru ma yo butna ki pelâ ki kiyor ma siyam hindina mi. Ahle ndazina pet nahle suma amulâ Salomon mi he vuna mi Hiram-Abi kazi á lazi yam gong nga kud’ora hi Ma didinid’ina, mi lazi ni ki kawei ma hleu ma a hegem mbeina.

Buzuk ka Abud’a 38:3

Mi lahle mam suma sunda pet, nala, yi mam ma ko butna, pel mama, hal mama, kiyor mam ma siyam hindina kanduru ma yo akud’a mi. Mi lahle mam suma sunda pet ni ki kawei ma hleuna.

Zakari 14:21

Duguyo suma Jerusalem-ma pet ki duguyo suma Juda-na a mba tinizi irazi vazi mi Ma didin ma ad’engêm kal petna. Suma a mba mba á hahle suma ngat buzunina a mba yi ki hliuna. Kur bur máma a mba fe sama mbut abom kur gong nga kud’ora hi Ma didin ma ad’engêm kal petna d’uo d’a.

Sunda hi suma hi Levi-nid’a 8:31

Moise mi de mi Aron azi ki groma ala: Agi yagi hliwa gamlâ máma avun zlub’u d’a ngaf tad’a, agi mud’ugizi nata yi máma zlapa kavungô ma nga kur gagalagad’a ma a tin ki sana kur sun nda ngat buzunid’a d’igi an hagi vuna ala: Agi mud’ugiziya na.

Jeremi 52:18

A yo ahle suma a lazi ki kawei ma hleunina pet suma a nga le sunda ki sed’ezi kur gong ndatina, nala, duguyona, pelâ, mbuguyona, anguleina ki kopma mi.

2 Amuleina 25:14

A yo ahle suma a lazi ki kawei ma hleunina pet suma a nga le sunda ki sed’ezi kur gong ndatina, nala, duguyona, pelâ, anguleina ki kopma.