1 Amuleina 7:29 - Bible azumeina

²⁹ Mi d’udjo azlona kamuzleina ki tcherebêna akulo ata kawei ma nglo ma murguli máma, mi d’udjo b’od’a hi tamasid’a ad’u azlona azi kamuzleina kä hina mi.

1 Amuleina 7:29 Referans Kwoze

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Hebre-na 9:5

Yam zanduk máma akulo, tcherebê suma subura mbà a nga. Azi tak kei ala Alona tamba nga kua. A bar gigingâzi yam yima Alona mi vat hurum mbei yam tchod’a hi sumid’a kuana. Ki tchetchemba, yina mi ndak nga á vami ad’u ahle ndazina tutu pet ti.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Ezekiyel 10:14

Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi.

Ezekiyel 1:10

Azi ki zla tazi d’a fid’id’a pet a nga ki ira hi sanid’a, azi ki zla tazi d’a fid’id’a pet a nga ki ira hazlonid’a abo ma ndjufâ, azi ki zla tazi d’a fid’id’a pet a nga ki ira hamuhlîd’a abo ma gulana, azi ki zla tazi d’a fid’id’a pet a nga ki ira hi b’arunid’a mi.

1 Amuleina 7:25

Hal máma mi tinimî akulo yam amuzlei suma dogo yam mbà suma a yorozi ki kawei ma hleunina. Suma hina hindi irazi ni mbuta abo ma norâ, suma hina hindi irazi nabo ma fladegena, suma hina hindi irazi nabo ma sutna, suma hina hindi irazi nabo ma yorogona, wani arigiyezi ni mbuta abo ma krovona ad’u halâ kä.

1 Amuleina 6:27

Salomon mi tchol tcherebêna kur gong nga zandu’â mi nga kuad’a. Gigingâzi nga ganga woyo, kayam giging ma avo’â mi do gonga, giging ma mbàna mi do gonga abo hî mi, giging ma mbà hina, mi ngruf hur gonga d’ad’ar yam yi máma mi.

Buzuk ka Abud’a 37:7

Mi min angus tcherebêna ki lora mbà akulo yam zandu’â vunam ma duka ata vunam ma dabi ma mbàna. Mi lazi ni ki lor ra bed’et teid’a.

Buzuk ka Abud’a 25:18

Agi lagi angus tcherebê ma lora mbà akulo yam zandu’â vunam ma duka ata vunam ma dabi ma mbàna. Agi lagizi ni ki lor ra bed’et teid’a.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

1 Amuleina 7:28

Minda had’u pusîd’a ba wana: Mi yor kawei ma hleuna bebed’ed’a hina tchüût, mi djinim ki kawei ma nglo ma murguli ma kä ad’una, mi le ma abo hina ni hina dedege mi.

1 Amuleina 7:30

Pus ma lara pî mi nga kasem ma kawei ma hleuna fifid’i. Kawei máma nga ata abom ma fifid’i mama ná vum akulo. Kawei máma vunam nga djinda kabo pusâ ad’u kä bugol ahle suma ndjundjû ndazina.