1 Amuleina 5:7 - Bible azumeina

⁷ Ata yima amulâ Hiram mi hum zlad’a hi Salomon-ndina, mi le furîd’a ngola, mi dala: An he Ma didina ngola ini, kayam mi he ne d’a ngola mi David goroma á te yam ablau d’a ngola hi Israel-lîd’a.

1 Amuleina 5:7 Referans Kwoze

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Zla d’a d’ogolâ 23:24

Sama d’ingêrâ abum nga mi le hur ma hapma, sama mi vut gor ma ned’ina nga mi le furîd’a mi.

Isai 8:18

Gola! An ki gron suma Ma didina mi handjina, ami ni vama taka ki vama atchap ma mi tcholï ata Ma didin ma ad’engêm kal pet ma nga kaka yam ahina d’a Siyon-nda aduk Israel-lîna.

Zla d’a d’ogolâ 15:20

Gor ma ned’a nga mi labum tam djivid’a, wani ma lilid’a nga mi gol asum is.

Zla d’a d’ogolâ 13:1

Gor ma ned’a mi humî hata habumba, wani gor ma yam mba ad’enga nga mi hum ngopa d’i.

Zla d’a d’ogolâ 10:1

Zla d’a d’ogolâ hi Salomon-nda ba wana: Gor ma ned’a nga mi labum tam djivid’a, wani gor ma lilid’a mi b’lak hur asum heî.

Sawal la giled’a 137:6

Le an djib’er nga kak kuo, le an we nga ala nda’î furî man nda ngol la kal papad’a d’uo ni, ar sinan ndi b’al akulo ata d’id’ingânu!

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

1 Amuleina 3:9

Wani Ma didina, ang han ned’a á te yam sum mangâ á wal djivid’a adigat ki tchod’a. Kayam sana mi ndak á te yam mang suma ablau ndazina ki ne mamba tata d’i.

1 Amuleina 1:48

Amulâ mi dala: An hulong mersi mi Ma didina Alona hi Israel-lâ ma mi han sama vrak blangân ini á tamulina. Kal pet, mi aran lovota á wahle ndazina ki iranu.

Ad’u Tinda 33:5

Esau mi hle iram akulo, mi waropma ki kemba, mi de mi Jakob ala: Suma ki ang wana ni suma hi nge na ge? Jakob mi hulong dum ala: Ni gro suma Alona mi hazi mi an azong mangîna.

1 Amuleina 5:6

Salomon mi dum kua ala: Wani ki tchetchemba, ang he vuna mazungeî mangâ a i yam ahuniyô suma Liban-na, a kanï agu sedre ma an minima. Azungeî mana a mba i kazungeî mangâ á ndjunuzi kad’a. An mba ni wurak azungeî mangâ yam sun mazid’a vama ang mba ngandjina. An we avo hatami ka hî sama ndak á kaguna d’igi mang suma Sidon-na na na nga d’i.

1 Amuleina 5:8

Hiram mi hulong humba mi Salomon ala: An hum zla mang nga ang dandjid’a djiviya. An min hang agu sedrena kagu sipre ma ang minima pet.

1 Amuleina 4:7

Salomon mi tin suma nglo suma te yamba dogo yam mbà; sum ndazina a nga i kur ambas sa Israel-la pet, a nga tok tena yam amulâ ki suma avo hatama pet. Nge nge pî mi nga ki sun mamba tilâ tutu gak bizad’a.