1 Amuleina 3:12 - Bible azumeina

¹² Kayam ndata, d’igi ang de na, an nga ni hang ned’a ki wad’ud’a tala sama avorong ngoze ma blogong ma kak d’igi ang na na nga d’uo d’a.

1 Amuleina 3:12 Referans Kwoze

Ma tchi wala 1:16

An de kurun ala: An ni fe ned’a kal suma a tamula avoron avo Jerusalem-ma, an fe ned’a ki wed’a ngola mi.

Matiye 12:42

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï avun dabid’a handagad’id’a adjeu, ti mba á hum ned’a hi Salomon-nda. Gola! Ma kal Salomon ki ngolina mi kä wana.

1 Amuleina 5:12

Ma didina mi he ned’a mi Salomon d’igi mi dum na. Salomon mi le darigïd’a ki Hiram, mi djin vunam ki sed’em ala azi wal lei d’i.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

2 Sunda Hamuleinid’a 2:12

Hiram mi de kua ala: An le mersi mi Ma didina Alona hi Israel-lâ ma mi lakulod’a kandagad’ina, kayam mi hamulâ David gor ma ned’a ma d’alâ ma wad’ud’a ma ndak á min gong nga kud’ora mi Ma didina ki gong nga amula yam mam tambina.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

1 Amuleina 2:9

Wani ki tchetchemba, angî sama ned’a. Ang vum d’igi sama bei zlad’a kam ba na na d’i, ang we vama ang le ki sed’ema. Kayam ndata, ang aram mi mit mat ma zlatna d’i.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

1 Amuleina 2:6

Kayam ndata, ang gol tang djivi ki ne manga; aram mi mit mat ma zlatna d’i.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Gat ta a hat á mbàd’id’a 34:9

Josue Nun goroma mi oî ki muzuk ma ned’a, kayam Moise mi tin abom kamu. Israel-lâ a ge yazi kä avorom d’igi Ma didina mi he vuna mi Moise na.

1 Amuleina 5:9

Azungeî mana a mba yongza agu ma fiyak ma Liban-na, a mba tchugum avun alum ma ngolâ, a mba djinim ata tam á djangâm yam aluma gak a mbamza ata yima ang mba tagandjina. Ata yi máma azungeî mana a mba bud’um mbeyo; azungeî mangâ a mbeï yomu. Yam zla d’a wuraka, ang mba han te ma an minima yam suma avo hatana.

1 Sunda Hamuleinid’a 29:25

Ma didina mi hlum yam akulo avok Israel-lâ pet. Mi hum ad’enga á tamula. Leu mam mba ted’a ti kal suma a tamula avorom aduk Israel-lîna pet.

Nehemi 13:26

Salomon amul ma Israel-lâ mi le ni hina ba, mi le ki tchod’a d’uo zu? Aduk andjafâ hi suma pet amul ma d’igi mam na na nga d’i. Alo mama hurum vum heî, mi tinim amula yam Israel-lâ pet. Wani andjaf arop suma dingâ a tanam kur tchod’a.