1 Amuleina 22:10 - Bible azumeina

¹⁰ Wani amul ma Israel-lâ kamul ma Juda-na a nga ki baru mazi ma amula ataziya. Nge nge pî mi nga kaka yam zlam mam mba amula yam yima nding ma avun agrek ma Samari-nina, suma djok vun Alona a nga djok vuna avorozi mi.

1 Amuleina 22:10 Referans Kwoze

Sunda hi suma a sunuzinid’a 25:23

Tcha ndjivinda Agripa ki Berenis a min tazi ki baru mazi ma amula, a mba ki nglo suma dur ayîna ki suma nglo suma kur azì ma ngol mámina, a tchuk ata yima b’ak zlad’a. Festus mi he vuna á mbeï ki Paul avoroziya.

Sunda hi suma a sunuzinid’a 12:21

Kid’a bur ma Herot mi ngazizina mi ndaka, mi tchuk baru mam mba amula atamu, mi kak yam zlam mba amula, nga mi dazi zlad’a.

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

Matiye 6:20

Wani agi togogi ndjondjoî magid’a sä nakulo, ata yima fotna ki tchora a b’lagazi d’uo na, ata yima suma kula a ndak á hulut gonga á kuluzi d’uo na mi.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

1 Amuleina 22:30

Amul ma Israel-lâ mi de mi Josafat ala: An i ni mbut tan d’igi sama dingâ na á i durâ. Wani ang tchuk baru mang nga amula atangû. Hina amul ma Israel-lâ mi mbut tam d’igi sama dingâ na á i dur ayîna.

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

1 Amuleina 22:9

Ata yi máma amul ma Israel-lâ mi yi azong mam ma sunda tu, mi dum ala: Ang i atogo ang halanï Mise Jimla goroma.