1 Amuleina 21:8 - Bible azumeina

⁸ Wani ndat ti b’ir mbaktumba ki simiyê Ahap, ti tin tampong mama kua, ti sunut mi suma nglona ki suma nglo suma avok suma hur azì ma Nabot mi nga kaka kuana.

1 Amuleina 21:8 Referans Kwoze

Nehemi 6:5

Sanbalat mi sunï azong mama atan yam á vahla ki mbaktumba vunat mala woi abomu.

Esdras 4:11

Wana ni mbaktum mba a sunut mamulâ Artazerses-sa ala: Ami azungeî mang suma nga abo alum ma Efrat-na ka hina ami nga dangû:

2 Sunda Hamuleinid’a 32:17

Sanakerip mi b’ir mbaktumba, mi ngul Ma didina Alona hi Israel-lîna, mi dala: Alona handjaf suma dingâ mi ndak nga á prut sum mama woi abon ndi. Hina mi, Alona hi Ezekiyas-sâ, mi ndak nga á prut sum mama woi abon nduo mi!

2 Amuleina 10:11

Kayam ndata, Jehu mi tchi suma hi Ahap suma a nga kaka Jisreyel-lâ woi pet ki ndrom suma nglo suma sunda ki buniyôma ki mam suma ngat buzuna woi pepet; mi ar nga sa tu á sut ti.

1 Amuleina 21:1

Bugol ahle ndazina, vama mbana ba wana: Sana mi nga avo Jisreyel a yum ala Nabot. Mi nga kasine ma guguzlud’a go kazina hamulâ Ahap amul ma Samari-na.

1 Amuleina 20:7

Ata yi máma amul ma Israel-lâ mi yï suma nglo suma yam ambasina pet, mi dazi ala: Agi wagi tetet ala sa máma mi min lei ni tchod’a, kayam mam tchugï sunda ala an hum arubuyon ki grona ki kawei man ma hapma ki lor manda. Wani an d’elem nga d’uo mi!

Ndumba 11:16

Ma didina mi de mi Moise ala: Ang togon suma nglo Israel-lâ dok kid’iziya, suma ang wazi ala ni suma nglona avok suma na, ang mba ki sed’ezi avun zlub’u d’a ngaf tad’a, ar a tchol akulo ata yi máma zlapa ki sed’engû.

Matiye 27:66

Azi iya, a ngom asu ndata ped’et, a yirad’at vunad’u, a tin azigar suma ndjola kua mi.

Wana ni mbaktum mba a b’irit yam Rut-ta 4:2

Bowas mi yoï suma dogo aduk suma nglo suma kur azinina, mi dazi ala: Agi kagagi kä. Azi kak kä mi.

1 Amuleina 21:9

Ti b’ir kur mbaktum ndata ala: Agi togogi suma, agi dazi ala a d’el tazi bei te tena, agi tinigi Nabot yam tok ndata.

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.