1 Amuleina 21:20 - Bible azumeina

²⁰ Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 21:20 Referans Kwoze

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Amuleina 18:17

Ata yima mi wuma, mi dum ala: Ni ang ma mba ndaka yam Israel-lîna d’ä?

Vama ndum mbeina 11:10

Suma yam andagad’ina a mba le furîd’a yam matna hi suma mbà ndazinina. A mba le furîd’a, a mba sun he d’a hawad’a aduk tazi kayam suma djok vun Alo suma mbà ndazina a le suma yam andagad’ina ndaka heî.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Efes-sâ 4:19

Kayam huruzi mbut tib’iri’â, a he tazi á le sun nda batranga, á le a’arad’a, á le sun nda ndjendje d’a lara ge pet mi.

Galat-na 4:16

Ki tchetchemba, an mbut sama djangû magina kayamba an nga ni dagi zla d’a gagazid’id’a zu?

Marik 12:12

Ata yi máma, suma nglona hi Juif-fîna a we tcha ala Jesus mi de zla d’a d’ogol ndata ni kaziya, a halam á ved’a, wani a le mandara ablau suma. A aramu, a iya.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

2 Sunda Hamuleinid’a 18:17

Amul ma Israel-lâ mi de mi Josafat ala: An dangî a na ge? Mi nga mi djogon vun ma djivi d’i, mi djogon ni vun ma tchona burâ ki burâ!

2 Sunda Hamuleinid’a 18:7

Amul ma Israel-lâ mi hulong dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi hulong dum ala: Amulâ, ar ang de hina d’i!

2 Amuleina 21:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîd’a.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

1 Amuleina 16:30

Ahap mi hahle suma tchona avok Ma didina kal amulei suma a tamula avoroma pet.

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Ezekiyel 14:4

Kayam ndata, ang dazi ala: Salad’a Ma didina mi dala: Ma Israel ma lara ma mi tin hurum yam filei ma nga mi zud’um á le tchod’ina, le mi mba á djop ma djogon vunana ni, ni an Ma didina ba, mba ni hulongôm humba yam filei mam ma ablau máma.

2 Samuel 11:27

Kid’a bur ma tchina mi kal da d’a, David mi sun á vad’ï avo hatamu. Ti mbut amamba, ti vud’um gorâ tu. Ahle suma David mi lazi ndazina a le nga Ma didina tam djivi d’i.