1 Amuleina 20:33 - Bible azumeina

³³ Sum ndazina a fe vama simat ma djivina avun Ahap, a ve zla mamba atogo zak, a dum ala: Gagazi, Ben-Hadat ni wiyengâ! Ahap mi dazi ala: Agi i halamïya! Ben-Hadat mi ndeï woi ata yima ngeid’a. Ahap mi hlum akulo kur pus mam ma dur ayîna.

1 Amuleina 20:33 Referans Kwoze

Sunda hi suma a sunuzinid’a 8:31

Mi hulong dum ala: An we ni nana bei sana tagandji ge? Mi de mi Filip ala mi djak akulo mi kak ki sed’em kur pusâ.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Zla d’a d’ogolâ 25:13

Sama sun ma d’engzengâ mi ni d’igi ab’lenga hi nesâ d’a ata yima fet awunid’a na, kayam mam nga mi b’leng hur salama.

2 Amuleina 10:15

Jehu mi hut avok hina nde, mi we Jonadap Rekap goroma nga mi djï avoromu. Mam gum depa, mi dum ala: Ang hurung djivid’a atan d’igi an hurun djivid’a atang na mi zu? Jonadap mi hulong dum ala: Â. Jehu mi dum ala: Djiviya, vei abo teya. A vabo taziya. Bugola, Jehu mi hlum akulo kur pus mam ma dur ayîna.

1 Amuleina 15:18

Kayam ndata Asa mi yo kawei ma hapma ki lora suma a nga kur gong nga ngom ndjondjoîd’a kur gong nga kud’ora hi Ma didinid’ina, ki d’a nga kur azì ma amulid’a, mi hat abo azungeî mama á it mi Ben-Hadat Tabrimon gorom ma Heziyon gorom ngolona amul ma Siri ma nga kaka Damas-sâ, mi hum sun ndata, mi dum ala:

1 Amuleina 20:32

A tchuk baru d’a dodora ataziya, a tchuk ziyona keleziya, a i gen amul ma Israel-lâ. Azi dum ala: Azong mangâ Ben-Hadat mi dala ang tchum mbuo. Ahap mi dazi ala: Mi nga ki iram tua zu? Mam mi wiyena!

1 Amuleina 20:34

Ata yi máma Ben-Hadat mi de mi Ahap ala: An min hulongông azì mang ma abun hluma. Ang i gus ahligiyeng ngei kur Damas d’igi abun mi gus mamina woi kur Samari na mi. Ahap mi dum ala: Ar ei djini vuneya. Bugola, an arangû. Azi djin vunaziya, mam aram mi iya.