1 Amuleina 20:28 - Bible azumeina

²⁸ Wani ma djok vun máma mi mba gen amul ma Israel-lâ kua, mi dum ala: Gola! Ma didina mi sununï ala: Suma Siri-na a dala: Ma didina nalo ma ahinad’a, mi nga nalo ma pid’a’â d’i. Kayam ndata, an nga ni hang azigar suma ablau ndazina pet abongû. Ata yi máma agi mba wagi ala an ni Ma didina.

1 Amuleina 20:28 Referans Kwoze

1 Amuleina 20:13

Wani ma djok vun Alona tu mi mba gen Ahap amul ma Israel-lâ, mi dum ala: Ang gola! Ma didina mi dan ala an dangû: Ang wablaud’a hi azigarâ d’a wanda ko zu? An mba ni hangzi ini abongû. Hina wani, ang mba wala an ni Ma didina!

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Sawal la giled’a 79:10

Ni kayam me ba, ang ar andjaf suma dingâ a nga dala: Alo mazina mi nga ni lara ge ge? Ar suma a we woi pid’ak avoromi ala ang nga sä atchugul azungeî mang suma a tchazina.

Ezekiyel 39:7

An mba ni tak simiyên Ma tin tan irat vat yam man suma Israel-lîna, an mba ni ar suma a ngulun simiyên Ma bei tchod’a ba na d’uo d’a. Hina wani, andjaf suma a mba wala an ni Ma didin ma tin tan irat vat yam man suma Israel-lîna.

Ezekiyel 36:32

Agi wagi ala nga ni kayam agi ba, an mba ni lahle ndazina d’i. Agi Israel-lâ, ar zulona mi lagiya, ar tagi tchuk susub’ok yam tit magid’a mi. An Salad’a Ma didina ni de na.

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Ezekiyel 11:12

Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

1 Amuleina 13:1

Wani Ma didina mi he vuna mi sa mama. Kayam ndata, mi tchol yam ambas sa Juda-d’a, mi i avo Betel. Ata yima mi mbazina, mi fe Jerobowam nga mi ngal ahle suma ngat buzuna akulo yam yima ngal ahle suma ngat buzuna.

Gat ta a hat á mbàd’id’a 32:27

Wani an nga ki mandarâ ala mazi suma djangûna a mba lazanu, a mba djib’er ala ni azi ba a le sun nda ndandal ndata, a mba djib’er ala ni an ba ni lat tuo.

Gat ta a hat á mbàd’id’a 29:6

Agi tagi nga avu d’i, agi tchagi nga süm guguzlu d’oze süm ma ayî d’i, kayam agi wagi ala Ma didina nAlo magina.

Buzuk ka Abud’a 8:22

Moise mi hulong dum ala: Nga ata yat ti, kayam ahle suma ngat buzu suma ami hazi mi Ma didina Alo maminina nahle suma ndjendjed’a ir Ezipte-na. Le ami hami ahle suma ngat buzu suma ndjendje ndazina kä iraziya ni, a mba durumi kahinad’a á tchami woi d’uo zu?

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Buzuk ka Abud’a 16:12

An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.

1 Amuleina 20:29

A le burâ kid’iziya avun taziya. Kur bur ma kid’iziyana a ngruf durâ; Israel-lâ a tchi azigar suma Siri suma asemba 100.000 kur bur ma tuna.

Isai 36:20

Aduk alona handjaf sum ndazina pet ma mi sut andaga mamba woi abona nga ba, Ma didina mba mi sut Jerusalem mbei abon ndju?

2 Samuel 10:13

Jowap ki azigar mama a i avok á dur suma Siri-na; suma Siri-na a wet ringâ avoromu.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Amuleina 18:37

Ma didina, ang humunu, ang humun kayam sum ndazina a wala ang Ma didina nAlo ma gagazina, ang hulongôzi djib’er mazid’a kang mi.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.