1 Amuleina 2:31 - Bible azumeina

³¹ Amulâ mi de mi Benaya ala: Djiviya! Ang i tchum ata yi máma d’igi mam de na; ang tozomu. Hina wani, ang mba pat zlad’a kami ki suma avo habuna woi yam tchi d’a Jowap mi tchi suma bei zlad’a kazinid’a.

1 Amuleina 2:31 Referans Kwoze

Ndumba 35:33

Ar agi mbud’ugi ambas sa agi mba kaka kata ndjendjed’a d’i, kayam buzuna mi mbut ambasa ndjendjed’a. Buzu ma ding ma ndak á zlup yam ambasina nga d’i, ni buzuna hi sama mi tchi matnina hol.

Buzuk ka Abud’a 21:14

Wani le sana mi tchi ndrama ni kur min mamba ki lemba ni, le mi ngei tam nata yi man ma ngal ahle suma ngat buzuna pî, agi vum tchumu.

Sunda hi suma a sunuzinid’a 28:4

Kid’a suma kur tila a we guguid’a d’uta del abomba, a de tazi ala: Gagazi, sa máma ni sama tchi matna. Mi sut wa woi kur aluma, hina pî, d’ingêra hAlonid’a aram nga á suta d’i.

Zla d’a d’ogolâ 28:17

Sama mi tchi sana mi wala zlad’a vumu na, mi ring á tchi tamu; ar sa mi d’elem mbi!

2 Amuleina 9:26

Ma didina mi dala: Ata yima ang tchi Nabot ki groma kamina an we. Kayam ndata, an mba ni ngobong yam tcho mang ndata kur asine máma. Jehu mi de kua ala: Kayam ndata, ang hlum ang gum kur asine máma d’igi Ma didina mi de na mi.

2 Samuel 3:28

David mi hum zla ndata bugolo, mi dala: An ki sum mana, zla nga kami avok Ma didina yam buzuna hi Apner Ner goromina d’i.

2 Samuel 3:29

Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.

1 Amuleina 2:30

Benaya mi i kur zlub’ud’a, mi de mi Jowap ala: Amulâ ala ang nde woi ata yi máma. Jowap mi dum ala: Hawa! An mit ni ka hî. Benaya mi hulong avo gen amulâ, mi dum zla d’a Jowap mi data.