1 Amuleina 19:8 - Bible azumeina

⁸ Elie mi tchol akulo, mi te, mi tche, mi fad’enga ki te máma, mi tit gagak burâ dok fid’i falei kandjege, mi mbaza yam ahinad’a hAlona d’a Horep-pa.

1 Amuleina 19:8 Referans Kwoze

Buzuk ka Abud’a 34:28

Moise mi kak sä hî ki Ma didina burâ dok fid’i falei kandjege, mi te nga avu d’uo, mi tche nga mbiyo d’uo mi. Ma didina mi b’ir zla d’a a djin vunazi kata kä kur ahina d’a bebed’e d’a tcheta, nala, vun ma he ma dogona.

Matiye 4:2

Ata yi máma, mi le burâ dok fid’i falei kandjege bei te tena; meid’a ti nde tchumu.

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.

Buzuk ka Abud’a 24:18

Moise mi kal kur d’ugula, mi djak akulo yam ahinad’a, mi le burâ dok fid’i falei kandjege akulo yam ahina ndata.

Buzuk ka Abud’a 3:1

Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

Wana ni Zla d’a Djivi d’a Luc mi b’irita 4:2

Mi le burâ dok fid’i kua, Diable nga mi kugum mi. Kur bur máma pet mi te nga va d’i. Kid’a bur máma dapa, meid’a nde d’i tchumu.

Marik 1:13

Jesus mi le burâ dok fid’i hur fulâ, Seitan nga mi kugumu. Mi nga aduk azureina, malaikana a mba, a nga lum sunda mi.

Daniel 1:15

Bugol bur ma dogona, irazi d’i mbut vat zenen kal azungeîna pet suma a nga te tena hamulîna, a d’or kalazi mi.

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 4:27

Ma didina mi de mi Aron ala: Ang i hur fulâ á ngaf Moise. Mi i ngaf Moise yam ahinad’a hAlonid’a, mi bed’em kok.

1 Amuleina 19:7

Wani malaikana hi Ma didinina mi hulong mi mba kua, mi dum ala: Ang tchol akulo, ang të, kayam yina dei avorong á tita.

1 Amuleina 17:6

Gagauna nga mi im avungôna ki hliuna yorogo ki fladege, mam mi tche ni mbiyo toliyonda mi.