1 Amuleina 19:21 - Bible azumeina

²¹ Elise mi hulong kur asinena, mi yo amuzleina mbà, mi ngad’aziya, mi sorozi hliwizi ki dju’â hamuzleinina, mi hum mi suma a nga le sunda ki sed’ema; azi te. Bugola, mi i ad’u Elie.

1 Amuleina 19:21 Referans Kwoze

2 Samuel 24:22

Arafna mi de mi David ala: Salana, amul mana, ar ang yo ahle suma djivi suma nde irang suma ndak á hazi he d’a hawad’ina. Gola! Amuzleina wana ni yam he d’a hawa d’a ngala, agu pusâ ki dju’â wana a mbut nagu mang ma ngala mi.

Buzuk ka Abud’a 24:13

Moise mi tchol kazong mama Josue, a nde djak akulo yam ahinad’a hAlonid’a.

Filemon 1:13

An min ala mi kak ki sed’en ka hî kayam mi ndjunun blangâng kayam an nga kur dangeina yam Zla d’a Djivid’a.

2 Timote 4:11

Ni Luc tu ba, ar nga ki sed’enu. Ang ve Marik, mbeï ki sed’emu, kayam mam ndak á ndjunun kur sun manda.

Sunda hi suma a sunuzinid’a 13:5

Kid’a a mbaza Salamin-nda, a nde tchi wal zlad’a hAlonid’a kur gongîyo suma toka hi Juif-fîna. Jean Marik mi nga ki sed’ezi á ndjunuziya.

2 Amuleina 3:11

Wani Josafat mi djop ala: Na ni ma djok vuna hi Ma didinina mi nga ka hî tala ei i djobei Ma didina atamu d’a d’uo zu? Azongâ hamul ma Israel-lîna tu, mi hulong dum ala: Elise Safat gorom ma mi le sunda adjeu abo Elie-na, mi nga.

2 Amuleina 2:3

Adesâ hi suma djok vun suma a nga kaka Betel-lâ, a mba, a de mi Elise ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

1 Amuleina 18:43

Bugola, mi de mazong mama ala: Ang djak akulo, ang gol irang abo ma avun alum ma ngolîna. Azong mama mi djaga, mi gola, mi dala: Va nga d’i! Elie mi dum ala: Ang hulong huhulong yang kid’iziya.

1 Samuel 6:14

Pusâ mi mbaza hur asinena hi Josue ma Bet-Semes-sâ, mi tchol go kahina d’a ngola. Suma kolâ a pat aguna hi pusîna woyo, a hamuzlei suma arop ndazina vama ngat buzu ma ngala mi Ma didina.