1 Amuleina 18:10 - Bible azumeina

¹⁰ An nga ni dang ngei avok Alo mang Ma didin ma bei matna ba na. Ambas sa ar hawa bei salana mi sun kur á halanga nga d’i. Ambasa suma kurutna le a dala: Mi nga hatami d’uo d’a, a gun ni tazi mbeî ala azi wang nga d’uo.

1 Amuleina 18:10 Referans Kwoze

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

Jean 8:59

Kayam ndata, azi yo ahuniyôna á durumu, wani Jesus mi ngei tamu, mi nde woi kur gong nga kud’ora hAlonid’a.

Jeremi 36:26

Amulâ mi he vuna mi Jeramel amulâ goroma, Seraya Asriyel goroma ki Selemiya Abadel goroma ala a i yoï ma b’ir mbaktumba Baruk azi ki ma djok vun Alona Jeremi. Wani Ma didina mi ngeyeziya.

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

Sawal la giled’a 31:20

Djivi mang nga ang nga ngomot yam suma a nga lang mandarangîd’a ti ngola heî, ni d’a ang lat ki suma a ngei tazi atangâ avok suma peta.

Sawal la giled’a 10:2

Suma asa’atna ki yam mba ad’eng mazid’a a nga b’at ahlena abo suma hohoud’a; suma hohoud’a a nga puk kä kur dau ma suma asa’atna a gunum kä avorozina.

1 Amuleina 18:15

Wani Elie mi dum ala: An nga ni dang ngei avok Alo ma bei matna ma ad’engêm kal pet ma an nga ni lum sundina, an gunung tanu, an nga ni tak tan ndei avok Ahap ini!

1 Amuleina 17:12

Ti dum ala: An gunung tan avok Ma didina Alo mang ma bei matna, avu nga d’i, afuta ar nga kur deina hina ngiyeû ki mbulâ nga kur gugura hina nde mi. An mba ni kus tchagalaka kä wani, an i ni tib’ek ahle suma ar nde ndazina mi an ki gorona. Le ami tami wa ni, ami djubumi ni mat mamina.

1 Amuleina 17:9

Ang tchola, ang i kur azì ma Sarepta ma yam andaga d’a Sidon-ndina, ang kak sä kua. An he wa vuna matcha d’a modono d’a nga kuad’a á hang tena.

1 Amuleina 17:5

Elie mi le vama Ma didina mi dum kama, mi i kak sä avun toliyon nda Kerit-ta.

1 Amuleina 2:24

Ni Ma didin ma bei matna ba, mi tinin ini yam zlam mba amula habun David-ta, ni ma hlan vunam ala: Andjavang mba mi vrak tamula blangângû na. Ar a tchi Adoniya ini baba!

1 Amuleina 1:29

mi dat ala: Gola! An nga ni gunuk tan avok Ma didin ma bei matna ma nga mi ngomon teteu ata yima an nga kur ndakina.

1 Samuel 29:6

Akis mi yi David, mi dum ala: Ma didina ni Ma bei matna! Angî sama d’ingêrâ. An min ang kak ki sed’en á durâ á ndabua á hulong avo ki azigarâ, kayam kur mba manga dei an fe nga vama tcho atang ngi. Wani suma nglona hi azigar suma Filistê-nina tazi nga lazi djivid’a kang ngi.

1 Amuleina 18:9

Obadiya mi hulong dum ala: An le ni tcho me ba, ang zud’un mi Ahap á tchid’a ge?

1 Amuleina 18:11

Wani ki tchetchemba, ang dan ala an i de mi salana ala: Elie mi nga ata yima wana!

1 Amuleina 22:14

Wani Mise mi dum ala: Ma didina ni Ma bei matna ba na. An i ni de ni vama Ma didina mba mi dandjina.

Jeremi 36:19

Suma nglona a de mi Baruk ala: Ang ki Jeremi, agi i ngeyegi tagiya, ar sa mi we yima agi nga kuana d’i!

1 Samuel 23:23

Agi halagi ad’ud’a, agi wagi yima mi ngei kuana. Bugola, agi mbeyegi geven ki zla d’a irata, an mba ni i ki sed’egiya. Mi le nga ni kur ambasa ni, an mba ni halam aduk ablau d’a Juda-d’a pet.