1 Amuleina 15:19 - Bible azumeina

¹⁹ Ei djini vunei aduk tei d’igi abung mi djin vunam kabun na. Gola! An sunung sä kawei ma hapma ki lora he d’a hawad’a wana. Ang i but vun ma djin ma ang djinim ki Bäsa amul ma Israel-lîna woyo, kayam mi aran andaga manda.

1 Amuleina 15:19 Referans Kwoze

Romê-na 3:8

Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.

Romê-na 1:31

Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 16:7

Kur biza ndata, ma djok vun Alona Hanani mi mba gen Asa amul ma Juda-na, mi dum ala: Ang ar zla d’a deng tang ata Ma didina Alo mangîd’a ta, ang deng tang ata amul ma Siri-na, ang he lovota mi azigar suma Siri-na á sut tazi woi abongû.

2 Sunda Hamuleinid’a 16:3

mi dum ala: Ei djini vunei aduk tei d’igi abung mi djin vunam kabun na. Gola! An sunung sä kawei ma hapma ki lora he d’a hawad’a wana. Ang i but vun ma djin ma ang djinim ki Bäsa amul ma Israel-lîna woyo, kayam mi aran andaga manda.

2 Samuel 21:2

Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.

1 Amuleina 15:16

Asa nga mi dur ayîna ki Bäsa amulâ hi Israel-lîna teteu.

2 Amuleina 18:15

Ezekiyas mi yo kawei ma hap ma nga kur gong nga kud’ora hi Ma didinid’ina ki ma nga kur gong nga ngom ndjondjoî d’a kur azì ma amulîd’a pet mi.