1 Amuleina 14:9 - Bible azumeina

⁹ Ang le tchod’a kal suma avorongâ pet, ang i yor alo ma dingâ teteng á zalan hurunu, ang aran ndei ang han azigang mi.

1 Amuleina 14:9 Referans Kwoze

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

2 Sunda Hamuleinid’a 11:15

Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna.

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

Buzuk ka Abud’a 34:17

Ar agi yorogi alo ma kaweina d’i.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Sawal la giled’a 106:29

Azi zal hur Ma didina ki sun mazi d’a led’a; tugud’ei d’a tchod’a ti nde adigaziya.

Sawal la giled’a 78:40

Ni yazi ga ba, azi kak djangûna ki sed’em abagei hur fulâ ge? Ni yazi ga ba, azi b’lagam hurum abagei hur ful ma gangrasâ ge?

Sawal la giled’a 78:56

Wani azi kuk Alo ma sä akulo ma kal teglesâ, a kak djangûna ki sed’emu, azi ngom nga vun mam ma hed’a d’uo mi.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

1 Amuleina 16:31

Mi golî d’igi ni vama akid’eina iram na á tit bugol tcho d’a Jerobowam Nebat goroma d’a mi lata, mi i ve ni Jezabel Etbäl amul ma Sidon-na goromba, mi nde le sunda malo ma a yum ala Bäl-lâ, nga mi kud’urom mi.

1 Amuleina 15:34

Mi le nga vama djivi avok Ma didina d’i, tit mamba ni tchod’a d’igi Jerobowam na. Mi le tchod’a dedege d’igi Jerobowam ma mi zut Israel-lâ á le tchod’ina na.

1 Amuleina 14:22

Andjafâ hi Juda-na a lahle suma tchona avok Ma didina, a zalam hurum ki tcho mazi d’a led’a kayam tcho mazi d’a led’a ti kal la habuyozi ngolo d’a.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

Suma ka sariyad’a 5:8

Azi man alo ma dingâ teteng. Ata yi máma ayîna mi tchola. Israel-lâ 40.000 pî, ang nga we mbarei d’oze asap abozi d’uo mi.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

Gat ta a hat á mbàd’id’a 9:24

Dedeid’a an wagi d’a, agi ni suma bei hum vun Ma didina ba na.

1 Amuleina 15:29

Kid’a mi kak amulid’a, mi tchi andjafâ hi Jerobowam-ma woi pet, mi ar nga gorom ngolo tu d’i, mi tchazi woi pet d’igi ma djok vun Alona Ahiya ma Silo-na mi de zla d’a tcholï avun Ma didinid’a na.

1 Amuleina 16:25

Wani Omri mi lahle suma tchona avok Ma didina kal amulei suma a tamula avoroma pet.

1 Amuleina 16:30

Ahap mi hahle suma tchona avok Ma didina kal amulei suma a tamula avoroma pet.

1 Amuleina 16:33

Mi tin alo d’a a yat ala Asera-d’a kua. Ahle suma mam lazina pet, a zal hur Ma didina Alona hi Israel-lîna. Ahap mi le tchod’a kal amulei suma Israel suma a tamula avoroma pet.

2 Amuleina 3:3

Wani mi wal nga ki tcho d’a Jerobowam Nebat goroma d’a mi lat mi zut ki Israel-lâ a le tchod’id’a woi d’i.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Jeremi 7:18

Kemba a nga yoï aguna, abuyod’a a nga vakud’a, aropma a nga tib’ek afuta á le woîna malo d’a akulod’a, a nga he he d’a hawa d’a süm guguzlud’a malo ma dingâ. A le na á zalan hurunu.

Jeremi 32:18

Ang nga tak suma manga woi gak kur atchogoi d’a dubid’a, ang nga hulong wurak grod’a yam tchilad’a habuyozid’a. Angî Alo ma ngolâ, angî ma sib’ika. Simiyêng ala Ma didin ma ad’engêng kal petna.

Sunda hi suma hi Levi-nid’a 19:4

Ar agi mbud’ugi iragi ata alo ma hawa ya’â d’i, agi yorogi kaweina alona d’uo mi, kayam an ni Ma didina Alo magina.

1 Amuleina 15:30

Ahle ndazina a le hina pet, kayam Jerobowam mi le tchod’a, mi zut Israel-lâ á le tchod’a. Wana ni vama zal hur Ma didina Alona hi Israel-lâ ngolina.

Nehemi 9:25

Azi yo azì ma nglo ma a minim ad’enga ngunguna kandaga d’a tub’ad’a mi, a yo azì ma nglo ma nga oîd’a kahle suma djivinina, golongeîna, guguzlud’a, agu olifâ kagu ma vuta ablaud’a mi. A te, a hoba, a d’ora, a kak kur duzîd’a ni yam djivi mang nga kal teglesa.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.