1 Amuleina 13:3 - Bible azumeina

³ Kur bur máma tamba, sana hAlona máma mi hazi vama taka, mi dala: Wana ni vama tak ma Ma didina mi de kama: Yima ngal ahle suma ngat buzu máma mba mi to kä woyo, but ma akulo kama mba mi dris kä woi mi.

1 Amuleina 13:3 Referans Kwoze

1 Korente-na 1:22

Wani Juif-fâ a hal á wahle suma atchap suma simata, wani Gre’â a halî ned’a.

Jean 2:18

Juif-fâ a djobom ala: Ang lami ni me ma simata yam ahle suma ang lazi wana ge?

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.

Jeremi 44:29

Ma didina mi de kua ala: Gola! An mba ni mba ka hî á ngobogiya, an mba ni tagagi vama simata, agi mba wagi ala gagazi, an mba ni ndak vun ndak ka an dat kagid’a. Vama tak máma ba wana:

Isai 38:22

Ezekiyas mi djop wa ala: Ni simad’a me ba, an mba ni wala an mba ni kal kur gong nga kud’ora hi Ma didinid’a kua ge?

2 Amuleina 20:8

Ata yi máma Ezekiyas mi djop Isai ala: Ni simata me ba, an mba mi wala Ma didina mi sud’un wa, kur bur ma hindina an mba ni i kur gong mamba ge?

1 Samuel 2:34

Fata grong suma mbàna Hofni azi ki Fines djak a mba bo kur bur ma tunid’a, ang mba we ni vama taka ala zla d’a an data mba d’i ndaga.

Buzuk ka Abud’a 7:10

Moise azi ki Aron a i gen Faron, a le d’igi Ma didina mi hazi vuna na. Aron mi ge totogo mamba kä avok Faron kazungeî mama. Ata yi máma ti mbut guguina.

Buzuk ka Abud’a 4:1

Moise mi hulong de mi Ma didina ala: A mba he gagazid’a kan ndi, a mba hum zla manda d’uo mi. A mba dan ala: Ma didina mi nde nga tam mbei irang ngi!

1 Amuleina 13:4

Ata yima Jerobowam mi hum zla d’a de d’a tcho d’a sana hAlonina mi dat yam yima ngal ahle suma ngat buzu ma Betel-lâ hina d’a, mi mat abom akulo yam yima ngal ahle suma ngat buzuna, mi de ki delem akulo ala: Agi vagi sa máma! Wani abom arza sod’a ata yi máma, mi tche mogod’a, nga mi hulongî kä atam mbi.