1 Amuleina 11:3 - Bible azumeina

³ Mi vik amuleina grozina kikis kid’iziya, mi vik arop suma gureina kikis hindi mi; narop sum ndazina ba, a b’lagam djib’er mamba.

1 Amuleina 11:3 Referans Kwoze

Ma tchi wala 7:28

Vama an hurun minim ma an fum nga biya d’uo na ba wana: An fe mandjuf ma ndak á hud’ina tu aduk andjof suma dubuna, wani aduk aropma pet, an fe nga atcha tu ta ndak á hud’id’a d’i.

2 Sunda Hamuleinid’a 11:21

Robowam mi le yam Mäka Apsalom goromba kal amiyôm suma ding suma d’umba kamiyôm suma gurei suma mi vigizi akulo hawana pet. Amiyôm suma d’umba a ni dogo yam klavandi, suma gurei suma mam vigizi akulo hawana ni dok karagaya mi. Grom suma andjofâ a ni dok mbà yam klavandi, suma aropma a ni dok karagaya mi.

Suma ka sariyad’a 9:5

Mi hulong avo habum avo Ofra, mi tchi b’oziyom suma Jerubäl gromina dok kid’iziya yam ahina d’a tud’a. Ma gorâ tu, a yum ala Jotam, mi prut teyo, kayam mi ngei tamu.

Gat ta a hat á mbàd’id’a 17:17

Nga ni sama vik aropma ablaud’a á walam mbei kAlonina d’i, nga ni sama tok bege d’a hapa ki lora ngolina d’uo mi.

Sawal la kal teglesa 6:8

Aropma hamulîna a ni dok karagaya, arop suma gureina hamulîna a ni dok klavandi, yuguneina hamulîna a ndak nga á ndumba d’uo mi.

Sawal la kal teglesa 6:9

Wani gugu manda, ti ni vat tu. Ndjondjoî manda, ti nabo asut vat tu, ni d’a ta vud’uta ti le kat heîd’a. Yuguneina a golod’u, a nga dala: Ar va mi lak ki! Aropma hamulîna kamiyôm suma gureina a nga gilet mi, a nga dala:

Suma ka sariyad’a 3:6

Azi vik grozi suma aropma, azi he grozi suma aropma mi grozi suma andjofâ, a nga kud’or alo mazina teteng mi.

Ester 1:18

Ki tchetchemba, suma nglo suma Perse-na ki suma Mede-na amiyôzina a mba hum zla d’a amula ti lata, a mba le ni hina dedege avok suma nglo suma a kal tegles suma a nga te leud’ina. Ata yi máma aropma a mba gol andjuvuyozi is, andjuvuyozi huruzi mba mi zal mi.

Ma tchi wala 2:8

An tok kawei ma hapma ki lora ki ndjondjoîd’a hamuleinid’a ki ndjondjoîd’a hi suma nglonid’a yam andagad’a teteng. An yo andjof suma a hle sawala karop suma a hle sawala kahle suma bud’a teteng suma a le suma tazi djivid’ina, an yo aropma ablaud’a mi.