1 Amuleina 11:26 - Bible azumeina

^26-27 Ata yi máma Jerobowam azongâ hi Salomon-na mi tchol huneîd’a ki sed’emu. Jerobowam ad’u andjavam ba wana: Mi ni Nebat ma Efraim ma kur azì ma Sereda-nina goroma. Asumî modonod’a, a yat ala Seruwa. Wana nad’u zla d’a mam tchol huneîd’a kata: Kur atchogoi d’a Salomon mi min yima a yum ala Milo-na ki ir gulumun ma b’lak kei ma ngui Azì ma ngolâ habum David-nina,

1 Amuleina 11:26 Referans Kwoze

2 Sunda Hamuleinid’a 13:6

Wani Jerobowam Nebat gorom ma azongâ hi Salomon ma David goromina, mi kak djangûna ki salama.

1 Amuleina 12:2

Ata yi máma Jerobowam Nebat goroma, mi sä ni Ezipte tua, kayam mi ring ngei adjeu abo amulâ Salomon á sut tamu. Kid’a mi hum ala suma a tok nga Sikem-mu d’a, mam mi sä ni kaka Ezipte tua.

1 Amuleina 11:28

ata yi máma Jerobowam ni gor azong ma ad’engâ. Salomon mi golom nga mi le sun mamba djivid’a, mi tinim avok suma sunda yam andjafâ hi Efraim-ma kandjafâ hi Manase-na mi.

1 Amuleina 11:11

Ma didina mi de mi Salomon ala: Kayamba ang le hina, ang ge nga yang kä ad’u vun ma djin ma ei djinizi aduk teina d’oze ad’u vun ma he ma an hangzina d’uo d’a, an nga ni prut leud’a woi abongû, an mba ni hat mazong mang ma dingâ tu.

2 Samuel 20:21

Wani sana tu ni ma nga yam ahuniyôna hi Efraim-ma simiyêm ala Seba Bikri goroma, mi tchol huneîd’a kamulâ David. Agi handjï ni mam tu, an mba ni ar azina bei b’laka. Atcha ndata ti de mi Jowap ala: Djiviya! Ami mba gangzi yam sä woi abu yam gulumuna.

1 Samuel 1:1

Adjeu sana nga avo Rama yam ahinad’a hi Efraim-mba, a yum ala Elkana Jeroham goroma. Mam mi Suf ma Efraim-ma gorom ngolo ma danana. Suf mi vut Tohu, Tohu mi vut Elihu, Elihu mi vut Jeroham Elkana abumu.

Wana ni mbaktum mba a b’irit yam Rut-ta 1:2

Sa máma simiyêm ala Elimelek, amamba simiyêt ala Naomi, grom suma mbàna, ma hina a yum ala Malon, ma hina a yum ala Kiliyon; azi ni suma Efrat-na, nala, Betelehem mba Juda-d’a. Azi mba yam ambas sa Mowap-pa, a kak kua.

1 Sunda Hamuleinid’a 2:19

Azuba ti mid’a. Kalep mi vatcha d’a dinga a yat ala Efrata, ti vud’um Hur.

1 Amuleina 21:22

an mba ni b’lak sum mangâ woi d’igi an b’lak suma hi Jerobowam Nebat goromina woi na, d’igi an b’lak suma hi Bäsa Ahiya goromina woi na mi, kayam ang zalan hurun ngola, ang zut Israel-lâ á le tchod’a.

1 Amuleina 16:3

Kayam ndata, an mba ni b’lagang ang Bäsa ki sum mangâ woyo, an mba ni le ki sed’egi d’igi an le ki suma hi Jerobowam Nebat goromina na.

1 Amuleina 15:30

Ahle ndazina a le hina pet, kayam Jerobowam mi le tchod’a, mi zut Israel-lâ á le tchod’a. Wana ni vama zal hur Ma didina Alona hi Israel-lâ ngolina.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

1 Amuleina 9:22

Wani Salomon mi tin nga sama Israel kur sun nda magomba d’i, kayam azi ni suma dur ayîna, a nazungeî suma sunda, a ni suma avok sumina, a ni suma a te yam pus ma dur ayînina, a ni suma djang akulumeina mi.

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

Ad’u Tinda 35:16

Jakob ki sum mama a ar Betel, a iya. Kid’a azi mba go á kal Efrata-d’a, Rachel ti nde vuta; vuta lat heî.

1 Amuleina 11:25

Kid’a Salomon nga mi tamula tua d’a, Rezon mi kak djangûna ki Israel-lâ. Tcho d’a mi lata ni d’igi d’a hi Hadat-ta na mi, mi noî Israel-lâ woyo, mi tamula yam suma Siri-na mi.

Suma ka sariyad’a 12:5

Suma Galät-na a hle yima a djak alum ma Jurdê-na kua kasengâ woi ir suma hi Efraim-ma. Le sama Efraim-ma mi tcholï ringâ, mi dala: Agi aran an djak aluma ni, suma Galät-na a dum ala: Angî ma Efraim-ma zu?

2 Sunda Hamuleinid’a 9:29

Sunda hi Salomon-nda ara, d’a avoka ki d’a dananda, a b’irit nga kä kur Mbaktumba hi Natan ma djok vun Alonid’a ki D’a hi Ahiya ma Silona ma djok vun Alonid’a ki Zla d’a a ndat tei mi ma wahle suma a nga mbana Jedo yam Jerobowam Nebat goromid’a mi.