1 Amuleina 10:7 - Bible azumeina

⁷ Kid’a bei an mba ni we ki iran tua d’a, an he nga gagazid’a yam zla d’a azi data d’i. Doli na ni azi dan ndak nga yam abo tu d’uo ko! Wani ne manga ki djivi manga kal ahlena pet suma azi dandjina.

1 Amuleina 10:7 Referans Kwoze

1 Korente-na 2:9

Wani d’igi mbaktumba hAlonid’a ti de na ala: Vama sana mi wum nga d’uo mi humum nga d’uo mi na, vama sana mi djib’erem nga d’uo mi na, ni vama Alona mi minim yam suma a nga le kamina.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Marik 16:11

Wani ata yima ti dazi ala Jesus mi nga karid’a ndat wum mi na, azi he nga gagazid’a yam zla mata d’i.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Isai 64:4

Ang nga tit ki sama tam nga d’i lum djivid’a á tit yam d’ingêrina, ki suma a nga djib’er kang kur tit mazid’ina mi. Wani ang hurung zal kami ni kayamba ami lami tchod’ïd’a. Le ami nga kurut hina baba ni, ami mba sud’umi woi ni nana ge?

1 Amuleina 10:6

Ti ngo vunat tei hâ á gola, ti de mamulâ ala: Zla d’a an humud’ï yam ambas manda kang yam kak manga ki ne mangid’a ni gagazi!

1 Amuleina 10:8

Suma avo hatangâ kazungeî mangâ a le furîd’a kayam azi nga tchola avorong burâ ki burâ á hum zla ne manga.

Sawal la giled’a 48:9

Ahle suma ei humizina, ei weizi ki irei kur azina hi Ma didin ma ad’engêm kal petna, kur azina hAlo meinina. Alona mba mi ngom azì máma burâ ki burâ. Tchol ndjö