1 Amuleina 1:13 - Bible azumeina

¹³ Ndak i gen amulâ David, ndak dum ala: Salana amulâ, ni ang ba, hlan vunang ala gorona Salomon mba mi vrak blangâng mi kak yam zlam mang nga amula d’uo zu? Ni nana ba, Adoniya mi mbut wa amulâ ge?

1 Amuleina 1:13 Referans Kwoze

1 Amuleina 1:30

An nga ni le ini vama an gunuk tan kam avok Ma didina Alona hi Israel-lâ ala: Ni goro’â Salomon ba, mba mi vrak tamula blangân á kak yam zlam man nda amula na.

1 Amuleina 1:17

Batseba ti hulong dum ala: Salana, ni ang ba, gun tang mi an wei manga avok Ma didina Alo mangâ ala ni gorona Salomon ba, mba mi vrak blangâng mi kak yam zlam mang nga amula d’uo zu?

Jeremi 33:21

ata yi máma vun man ma djin ma an djinim kazong mana David-na mba mi but tei tala a fe gorom ma mba mi kak yam zlam mam mba amula á tamulina d’oze suma hi Levi suma ngat buzuna á lan sun mandina d’uo d’a mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

1 Sunda Hamuleinid’a 29:23

Salomon mi kak amula yam zlam mba amul la Ma didina mi tinim kat balum abum David-ta. Sun mamba nga d’i le djivid’a; Israel-lâ pet a ge yazi kä ad’um mi.

1 Amuleina 2:12

Goroma Salomon mi vrak tamula blangâmu, amul mamba ti kak ngingring mi.

1 Amuleina 1:48

Amulâ mi dala: An hulong mersi mi Ma didina Alona hi Israel-lâ ma mi han sama vrak blangân ini á tamulina. Kal pet, mi aran lovota á wahle ndazina ki iranu.

1 Amuleina 1:24

mi dum ala: Salana amulâ, ni ang ba, he vuna mi Adoniya ala mi vrak blangâng amula, mi kak yam zlam mang nga amula ko zu?

1 Amuleina 1:11

Ata yi máma Natan mi mba mi fe Batseba Salomon asumu, mi dat ala: Ndak hum nga ala Adoniya Hagit gorotna mi mbut wa amulâ d’uo zu? Wani saleina amulâ David mi we nga d’uo mi.

1 Amuleina 1:35

Bugola, agi igi ki sed’em hur azina, agi tid’igi blogomu. Ni mam ba, mba mi vrak blangân yam zlam man nda amula, kayam ni mam ba, an pad’am á kak amula yam Israel-lâ ki suma Juda-na mi.

Gat ta a hat á mbàd’id’a 17:18

Le mi kak yam zlam mam mba amula ni, mi b’ir mbaktum mba gat ta nga ged’a kä avok suma ngat buzu suma hi Levi-nid’a, yam mam tamba.

1 Amuleina 1:14

Natan mi dat kua ala: Le ndak dap wa zla mak ka ded’a mamulâ ni, an tanda mba ni kal gevemu, mba ni dugud’om zla d’a ndak dumzid’a mi.

1 Sunda Hamuleinid’a 28:5

Aduk gron suma ablau suma mam handjina pet, mi man Salomon á kak yam zlam mba amula kur leud’a hi Ma didinid’a yam Israel-lâ.